Almatyda Shyǵys Qazaqstan oblysynda apatqa ushyraǵan ushaqtyń pıloty Petr Ýstınovty jerleý rásimi ótti, - dep habarlaıdy Tengrinews.kz. Jerleý rásimi saǵat 11.00-de qaza tapqan pılottyń úıiniń aldynda ótti. Petr Ýstınovty sońǵy saparǵa shyǵaryp salýǵa onyń týystary, jaqyn dostary, tanystary, sondaı-aq, birge qyzmet etken áriptesteri keldi. Jalpy 100-den asa adam keldi, olardyń qatarynda UQK Shekara qyzmetiniń áskerı orkestri bar.
"Ol Shekara qyzmetine qatardaǵy sarbaz bolyp kelip, avıasııalyq bazamyzdyń ushý bóliminiń basshysyna deıin kóterilgen edi. О́kinishke qaraı, jastar da ketip jatady. Árıne, dúnıeden erte ozdy", - dedi QR UQK Shekara qyzmeti ardagerler keńesiniń tóraǵasy polkovnık Brovıch.
Esterińizge sala ketsek, Pılot Petr Ýstınov 25 aqpanda ShQO-da tikushaq apatynan qaza tapqan edi.