Sońǵy birneshe aptada úı baǵasy kóterile bastady. Aqpan aıynyń basynan sońyna deıingi aralyqta ulttyq valıýta 4 paıyzǵa kúsheıdi. Qazirde jyljymaıtyn múlik naryǵynda dollarǵa degen táýeldiliktiń joqtyǵy anyq kórinedi. Osynyń nátıjesinde teńge baǵamynyń ózgerýi úı baǵasyna qatty áser etpedi. Astana men Almatyda ótken aıdaǵy eń qatty qymbattaǵan baǵa 1 paıyzdan asqan joq.
Baǵanyń ózgerý trendi óte báseń boldy jáne aıtarlyqtaı ózgeris ákelmedi.
Astanada sharshy metrdiń ortasha baǵasy 334 850 teńge boldy. Bul qańtar aıymen salystyrǵanda 0,6 paıyzǵa (1 990 teńge) teńgege artyq. Qańtar aıynda baǵanyń kúrt tómendeýinen keıin aqpandaǵy azdaǵan qymbatshylyq aıtarlyqtaı áser etken joq. Qazirgi kezde baǵa 2016 jylǵy kórsetkishten anaǵurlym arzan. Ázirge eń arzan baǵa 2017 jyldyń qańtar aıynda tirkelip otyr.
Almatyda jaǵdaı sál ózgesheleý. Jyl basyndaǵy quldyraýdyń orny áli tolmaı tur. Jalpy, aqpanda usynystyń ortasha baǵasy sharshy metrine 1,9 paıyzǵa (6 980 teńge) arzandap, qazir 352 100 teńgege turaqtady. Osylaısha, jyldyq mınımým aqpanda kezekti ret jańaryp otyr. Jalpy, baǵa trendi tómen ketip barady. Qalaı degende de, ótken jyldyń qarasha aıynan beri Almatydaǵy baǵa turaqty tómendeýde.