Ońtústik Qazaqstan oblysyndaǵy okrýgtik saılaý komıssııalarynda barlyq deńgeıdegi maslıhattar depýtattyǵyna úmitkerlerdi tirkeý jumystary aıaqtaldy. Bul týraly OQO О́ńirlik kommýnıkasııalar ortalyǵynda ótken baspasóz máslıhatynda Oblystyq aýmaqtyq saılaý komıssııasynyń tóraǵasy Álibek О́mirálıev málim etti, dep habarlady OQO ákiminiń baspasóz qyzmeti.
Komıssııa tóraǵasynyń aıtýynsha, 2017 jyldyń 26 naýryzynda ótetin saılaýǵa barlyǵy 28 úmitker usynylyp, onyń bireýi óz ótinishin keri qaıtaryp alypty. Esterińizge sala ketsek, ótken jyly túrli sebeptermen oblystyq maslıhatta 3 oryn, aýdandyq maslıhatta 1 jáne qalalyq maslıhatta 2 oryn bosaǵan bolatyn.
«Eki úmitkerdiń qujattary tolyq bolmaǵandyqtan tirkeýden ótpedi. Tirkelgender sany 25-ti qurap otyr. Olardyń altaýy «Nur Otan» partııasynan usynylsa, basqa partııadan usynylǵan kandıdattar joq. 19 úmitker ózin-ózi usyndy», - dedi Álibek Kádenuly.
Aıta keteıik, saılaý komıssııalary úgit materıaldarynyń zańnamaǵa sáıkes ornalastyrylýyn baqylaýdy júzege asyratyn bolady. Saılaý aldyndaǵy úgit-nasıhat jumystaryn júrgizýge úmitkerdiń senimdi ókilderi jumyldyrylady. Sondaı-aq kandıdattar senim bildirgen adamdardy tıisti okrýgte óz qalaýy boıynsha anyqtaıdy.
Qazaqstan Respýblıkasynyń saılaý týraly Konstıtýsııalyq zańynyń 27, 28 - babynyń talaptaryna saı jáne oblystyq aýmaqtyq saılaý komıssııasynyń bekitilgen negizgi is-sharalardyń kúntizbelik jospary boıynsha úgit jumystary 1 naýryzda bastalyp, 24-naýryzda saǵat 24:00 aıaqtalady.
Qazirgi tańda oblystyq aýmaqtyq saılaý komıssııasy saılaý ótetin jerlerde semınar-keńester ótkizýge kirisken. Sondaı-aq Shymkent qalalyq, Maqtaaral jáne Saıram aýdandyq aýmaqtyq saılaý komıssııalary úgit-nasıhat júrgizý boıynsha metodıkalyq nusqaýlyqtarmen tolyq qamtamasyz etilgen. Budan bólek, kúntizbelik josparǵa saı oblystaǵy qalalar
Oblystyq aýmaqtyq saılaý komıssııasynyń tóraǵasy aldaǵy saılaý naýqanynyń ádil de, shynaıy ári zań talabyna saı ótetindigin habarlady. Sondaı-aq ol saılaýshylardyń osy naýqanǵa birkisideı atsalysýǵa shaqyrdy.