Reseıdiń Balashıh qalasynda qazaqstandyq kásipqoı boksshy Fırýza Sháripova men reseılik Iýlııa Chernoborodova jekpe-jek aldyndaǵy salmaq ólsheý rásiminen ótti, dep habarlaıdy allfight.ru.
Qos boksshy ekinshi jartylaı jeńil salmaqta shekteý qoıylǵan 58,950 keliden aspady. Sháripovanyń salmaǵy 58,9 kılo bolsa, Chernoborodova 58,7 kılony kórsetti.
Aıta keteıik, 4 naýryz kúni otandasymyz Máskeýde kezekti jekpe-jegin ótkizedi. Onyń qarsylasy – Reseıdiń Ortalyq federaldy aımaǵynyń chempıony. Kásipqoı boksqa alǵash ret shyǵaıyn dep tur.
Buǵan deıin Sháripova naýryz aıynda tıtýldy aıqasyn ótkizetindigi habarlanǵan. Alaıda, menedjeri Sergeı Zavıleıskıı ekeýi qarjylyq qıyndyqtarǵa baılanysty reıtıngti jekpe-jek ótkizýdi jón kóripti.
Fırýzanyń sońǵy aıqasy 24 qyrkúıek kúni Almatyda serbııalyq Mılen Matovıchke qarsy ótken. Jerlesimiz ekinshi raýndta qarsylasyn nokaýtpen jeńgen bolatyn.
Qazirgi ýaqytta qazaqstandyq boksshy Máskeýde kishi Floıd Meıýezer atyndaǵy «Boks akademııasynda» bapker Sergeı Kýbyshevtiń qol astynda jattyǵyp júr.