О́tken juma kúni dollardyń ózindik qunynyń tómendeýi esebinen munaı baǵasy kóterildi. Aıta keteıik, ótken apta 55 dollarǵa deıin tómendegen munaı baǵasy sońǵy birneshe aptadaǵy eń tómengi kórsetkishke túsken edi.
Dollar qunynyń tómendeýi ádette munaı baǵasynyń qymbattaýyna alyp keledi. О́ıtkeni, munaımen saýdalanatyn shıkizat ózge valıýtalarmen eseptegende arzanǵa shyǵady.
Sonymen qatar Lıvııadaǵy munaı ken ornyndaǵy apatty jaǵdaıdan keıin eksport kóleminiń naqty belgilenbeı qalýy da baǵaǵa oń áser etti.
Degenmen, apta qorytyndysy boıynsha, AQSh taqtatas munaıy eksportynyń kóbeıýi múmkin degen qaýesettiń kesirenen munaı baǵasy tómendedi.
Juma kúngi sońǵy sessııada London qor bırjasynda Brent markaly munaı baǵasy 0,59 dollar qymbattap, barreline 55,90 dollarǵa jetti. Degenmen, búgin, dúısenbide, baǵa 55,70 dollarǵa deıin tómendedi.
Osy apta munaı baǵasyna tómendegi sharalar áser etýi múmkin.
Seısenbi, 7 naýryz
Halyqaralyq energetıkalyq agenttik AQSh munaı eksportynyń kólemi týraly málimetti jańartady.
Sársenbi, 8 naýryz
AQSh energetıka mınıstrligi AQSh munaı men janarmaı qory týraly aptalyq esebin jarııalaıdy.
Beısenbi, 9 naýryz
AQSh energetıka mınıstrligi AQSh tabıǵı gazynyń qory týraly aptalyq málimetpen bólisedi.
Juma, 10 naýryz
Baker Hughes kompanııasy AQSh burǵylaý qurylǵylary týraly aptalyq esebin shyǵarady.