Qurlyqtyq hokkeı lıgasy pleı-off kezeńiniń ekinshi raýndynda Astananyń «Barysy» Magnıtogorskiniń «Metallýrgimen» kezdesedi.
Býkmekerlik keńseler bul matchtarda «Metallýrg» komandasyn favorıt retinde eseptep otyr. Bul rette magnıtogorlikterdiń úshinshi raýndqa ótýine 1,10 koeffısıent berse, «Barystiki» segizge teń.
Bir qyzyǵy, býkmekerler alǵashqy raýndta «Traktorǵa» qarsy oıyndarda da «Barystyń» jeńisine kúmánmen qaraǵan. Chelıabilikterdiń kelesi kezeńge ótýine 1,4, al astanalyqtarǵa úsh koefısıent bergen edi.
«Metallýrg» Qurlyqtyq hokkeı lıgasynyń turaqty chempıonatynda «Batys» konferensııasyn birinshi orynmen aıaqtasa, «Barys» besinshi orynǵa turaqtaǵan bolatyn.
Aıta keteıik, Edýard Zankoves shákirtteri Chelıabiniń «Traktoryn» jalpy esepte 4:2 etip utsa, «Metallýrg» Qytaıdyń «Kýnlýn Red Star» ujymyn 4:1 esebimen jeńdi.