Qazaqstan naryǵynda ózdiginen júretin kólikter paıda bolýy múmkin, dep málimdedi Iveco brendiniń ókili Lorenso bernardelı Astanadaǵy avtoforým barysynda.
Forýmda Lorenso Bernardelı ınnovasııalyq sheshimdermen jasalǵan kóliktiń fýtýrıstik tujyrymdamasyn tanystyrdy. CNH Industrial korporasııasyna kiretin Iveco kommersııalyq tehnıkaǵa ozyq tehnologııalar engizýde kóshbasshy sanalady. О́z sózinde spıker álem boıynsha júrgizýshimen júretin kólikterden bas tartý trendine qazaqstandyqtardyń da qosylatynynan úmitti ekenin jetkizdi.
«Qostanaıda shyǵarylyp jatqan Iveco modelderi Qazaqstan úshin arnaıy jasalýda. Onda jergilikti tutynýshylardyń erekshelikteri eskerilgen. Sonymen qatar, aýa raıy men jol jaǵdaıy da esepke alynǵan. Biz Qazaqstannyń kólik qurastyrý salasyndaǵy yntasyn eskere otyryp, sonymen qatar, ınnovasııaǵa degen qulshynysyn eskere otyryp, aldaǵy ýaqytta Qazaqstan naryǵynda da mundaı kólikter paıda bolady dep senemiz", - dedi Lorenso Bernardelı.
Qostanaıdaǵy AllurGroup zaýytynda shyǵarylyp jatqan jeńil jáne aýyr kommersııalyq tehnıka túrli salalarda paıdalanýda. Atap aıtar bolsaq, TJ qyzmeti men tártip saqtaý, densaýlyq saqtaý, órt sóndirý salalarynda qoldanylýda.