Qysqy Ýnıversıada oıyndarynda bes medal jeńip alǵan shańǵyshy Anna Shevchenkoǵa Pavlodar qalasynda óńir ákimi eki bólmeli páterdi syıǵa tartty. Bul týraly pavlodarnews.kz habarlady.
Oblys basshysy Bolat Baqaýov sportshyǵa halyqaralyq jarysta baryn salyp, Qazaqstan namysyn abyroımen qorǵaǵany úshin alǵys aıtty.
«Sizdiń árbir jarysyńyzdy jibermeı, qarap otyrdyq. El quramasynyń qorjynyna bes birdeı medal salyp, barsha qazaqstandyqtardy qýanyshqa bóledińiz. Jattyǵý jumystarynyń tyǵyzdyǵyna qaramaı, ýaqyt bólip kelgenińiz úshin alǵys bildiremin», – dedi Bolat Baqaýov.
«Sizderdiń qoldaýlaryńyzdan kúsh alyp, osyndaı jetistikterge jetip otyrmyn. Búgin mine, taǵy bir armanym oryndaldy. Alǵashqy medalimdi jeńip alǵan kezde oblys ákimi habarlasqanyn estigende áriptesterim ázildep tur dep oılap qaldym. Sizderge kóp rahmet!» – dedi Anna Shevchenko.
Aıta keteıik, Pavlodar oblysynan XXVII qysqy Ýnıversıadada 10 sportshy qatysqan. Anna Shevchenko bir altyn, bir kúmis, úsh qola júlde jeńip alǵan bolatyn.