О́tken demalys kúnderi Astana qalasynyń aýmaǵynda kóktemgi sý júrýdiń jáne tasqynnyń aldyn alýǵa baǵyttalǵan aýqymdy jalpyqalalyq senbilik ótti, oǵan 24 myń qala turǵyny, sonyń ishinde «Almaty» aýdanynda – 10 253, «Esil» aýdanynda – 1 736, jáne «Saryarqa» aýdanynda 11 857 adam qatysty, dep habarlaıdy qala ákimdiginiń resmı saıty.
Qar jınaý jumystaryna elordanyń 3000-nan asa kásiporny, uıymy jáne mekemeleri tartyldy. Qar polıgondaryna 87 672 tekshe metr qar shyǵaryldy.
Shara sheńberinde qalalyq basqarmalar aýdan ákimdikterine bekitilip, qalalyq kommýnaldyq qyzmettermen birlesip oramishilik aýmaqty, turǵyn alaptardyń aýmaqtaryn jáne tómende ornalasqan ózge de ýchaskelerdi tazartty.
Atap aıtqanda, «Almaty» aýdanyndaǵy avtokólik joldarynda, memlekettik sáýlet-qurylys baqylaý basqarmalary Ońtústik-shyǵys turǵyn úı aýdanynda, uzaqtyǵy 25 km bolatyn 53 kóshede jáne tuıyq kóshelerde qar tazalaý jumystaryn júrgizdi, 28006 tekshe metr qar shyǵaryldy.
Sondaı-aq, senbilik sheńberinde buǵan deıin qar úıilgen gúlzarlar qardan tazartylyp, joldar, jaıaý júrginshi joldary, saıabaqtardaǵy shaǵyn arhıtektýralyq formalar, sýburqaqtar, músin kompozısııalary tazartyldy.
Qazirgi ýaqytta qalanyń úsh aýdanynyń ákimdikteri qardy jınaý, shyǵarý jumystaryn kúsheıtilgen tártippen júrgizýde.