Facebook áleýmettik jelisiniń Messenger-inde bir táýlikten keıin posttardy ózdiginen óshiretin fýnksııa iske qosyldy. Mundaı aqparat kompanııanyń resmı blogynda jarııalandy, dep jazady baq.kz.
Atalǵan qyzmetke Messenger Day degen ataý berilipti. Endi qoldanýshy sýretke túsip nemese vıdeorolık jasap, sýretke túrli stıkerler, emodzıler men effektilerdi qosyp jarııalaı alady.
Jazba jarııalaǵannan keıin jeli qoldanýshylary foto nemese vıdeony 24 saǵattyń ishinde kórip úlgerýi tıis. Fýnksııa qazirdiń ózinde barlyq iOS jáne Android qoldanýshylary úshin qoljetimdi.
Aıta keteıik, Facebook Snapchat-tyń bul ıdeıasyn paıdalanǵan alǵashqy áleýmettik jeli emes. Jazbany ózdiginen joıatyn qyzmet Instagram men «VKontakte» jelisinde buǵan deıin iske qosylǵan eken.