Almaty qalasynda ómirdi saqtandyrýǵa ınvestısııa salý degen jeleýmen uıymdastyrylǵan iri alaıaqtyq shema áshkerelendi. Qarjylyq monıtorıng agenttiginiń qala boıynsha departamenti zańsyz ınvestısııalyq qyzmet faktisi boıynsha sotqa deıingi tergeý júrgizip jatyr, dep habarlaıdy Egemen.kz.
Tergeý málimetinshe, 2013-2021 jyldar aralyǵynda kúdikti «Partners & Consultants» atty «О́mirdi saqtandyrý» jobasyn usynyp, azamattarǵa jınaqtaýshy saqtandyrý salymdaryna qarjy quıýdy usynǵan. Ol salymshylardy ózine qarasty zańdy tulǵalardyń – Evroasia Global Investment AQ jáne Evropa Investment JShS esepshottaryna qarajat aýdarýǵa kóndirip, jylyna 12%-ǵa deıin turaqty tabys túsetinine kepildik bergen.
Jobanyń «senimdiligin» kórsetý úshin shyn máninde joq halyqaralyq saqtandyrý baǵdarlamalary men jalǵan sertıfıkattarǵa silteme jasalǵan. Qarajat qolma-qolsyz tásilmen qabyldanyp, keıin salymshylarǵa uzaq merzimdi depozıtter men ınvestısııalyq mindettemeler bar degen áser qaldyratyn jalǵan qujattar tabystalǵan.
Saqtandyrý polısin qalaı durys tańdaýǵa bolady?
Nátıjesinde 270 azamat 620 mln teńgeden astam materıaldyq shyǵynǵa ushyraǵan. Tergeý barysynda jınalǵan derekterge sáıkes, zańsyz alynǵan qarajat jyljymaıtyn jáne jyljymaly múlik satyp alýǵa jumsalǵan. Qazir bul múlikke bılik etýge shekteý qoıyldy.
eGov-ta múlikti saqtandyrý servısi iske qosyldy: Tólem somasy qansha?
Kúdikti qamaýǵa alyndy. Tergeý jalǵasyp jatyr. Qarjylyq monıtorıng agenttigi ókilderi Qylmystyq-prosestik kodekstiń 201-babyna sáıkes ózge aqparat jarııa etilmeıtinin habarlady.
Saqtandyrý jáne qor naryǵyn damytýdyń baǵdarlamasy ázirlenedi