Almaty oblysynda qoı sharýashylyǵyn damytý jáne qoı tuqymyn asyldandyrý máselesine arnalǵan semınar keńes ótti, dep habarlady oblys ákiminiń baspasóz qyzmeti.
Jıynda baıandama jasaǵan qoı sharýashylyǵy boıynsha respýblıkalyq palatanyń tóraǵasy Tynyshbaı Dosymbekovtiń aıtýynsha palata músheligindegi ǵalymdar birlesip qoı sharýashylyǵyn damytýdyń keshendi baǵdarlamasy ázirlengen. Osy baǵdarlamada belgilengen aldyńǵy kezektegi máseleler jaıly baıandamashy keńinen áńgimeledi. Palata tóraǵasy eń aldymen básekege qabiletti birtekti taýar qalyptastyrý qajettigin aıtty. Bul taýar halyqaralyq standarttarǵa jáne eksporttalatyn eldiń standartyna saı bolýy kerek. Bul oraıda joǵary ónimdiligin, óz qunynyń tómen bolýyn, tıisti taýarlyq kelbeti bolýyn qamtamasyz etý qajet.
Jumystyń negizgi mindetterin aıqyndaǵan baıandamashy olarǵa qol jetkizý joldary, kórsetiletin memlekettik qoldaýlar, qoı tuqymyn asyldandyrýdyń satylaı qadamdary, eksportqa shyǵarý jáne basqa da máselelerge toqtaldy. Osyndaı mazmundaǵy barlyq máseleler boıynsha respýblıkalyq palata qoı ósirýshilerge barlyq qajetti kómekti kórsetpek.
Semınarda Ulttyq ǵylym akademııasynyń korrespondent múshesi, aýyl sharýashylyǵy ǵylymdarynyń doktory, palatalar keńesiniń múshesi Tóleýhan Sadyqulov, aýyl sharýashylyǵy ǵylymdarynyń doktory, professor Mamaı Prmanshaev, «Jetisý» aımaqtyq assosıasııasynyń tóraǵasy Keńeshan Ábdildenov qatysyp, qoı sharýashylyǵyn damytýdyń ǵylymmen baılanysynyń mańyzy jaıly áńgimeledi.
Oblystaǵy sharýa qojalyqtarynyń basshylary, qoı ósirýshiler kezdesý barysynda ǵalymdar men sarapshylardan usaq mal ósirýdiń zamanýı tásilderin ǵana estip qana qoıǵan joq, sonymen qatar ózderin tolǵandyratyn saýaldaryna tııanaqty jaýap ta aldy.
Kezdesýge qatysýshylar mundaı konstrýktıvti dıalog alǵa qoıǵan mindetterdi tıimdi sheshýge kómektesetinin, qoı ósirýde aıtýly jetistikterge jetý jolynda oblys fermerleri de óz úlesterin qosatyndyǵyn aıtty.