Astananyń Saryarqa aýdanynda súriletin eski úılerdiń ornyna onnan astam jańa saıabaq paıda bolady, dep málimdedi aýdan ákimi Arman Turlybek.
"Temir jol vokzalyna jaqyn ornalasýyn eskere otyryp Birjan Sal kóshesinde chemodandar saıabaǵyn salatyn boldyq", - dedi ákim.
Onyń aıtýynsha, bıyl 12 saıabaq salynady.
Osyndaı taǵy bir joba ıllıýzııa saıabaǵy. Respýblıka men Dúkenuly kósheleriniń qıylysynda ıllıýzııa saıabaǵy, onda Eıms bólmesi salynady. Bul bólmeniń bir buryshynda turǵan adam ekinshi buryshyndaǵy adammen salystyrǵanda alyp bolyp kórinedi. Sonymen qatar, "kózdi aldaıtyn" basqa da bólmeler jasalmaq.
Taqyryptyq gúlzarlardan bólek qala bıligi oramaralyq keńistikter jasamaq. Úılerdiń aýlalarynda oıyn alańdary men skeıtbord alańdary salynbaq. Qazir atalǵan jumystardyń qaı jerlerde jasalatyny anyqtaldy. Olardyń tizimi tómendegishe:
1. Beıbitshilik kóshesi, 18/1 — 0.25 ga.
2. Saryarqa dańǵyly, 15 — 0.9 ga.
3. N. Tilendıev dańǵyly, 36 — 0.72 ga.
4. G. Potanın kóshesi, 16, 18, 20 — 0.44 ga.
5. Sh. Aımanov kóshesi, 22/1 — 0.51 ga.
6. Konstıtýsııa kóshesi, 28 — 0.65 ga.
7. Jeltoqsan kóshesi, 17 — 0.68 ga.
8. Jeńis kóshesi, 43/1 — 0.68 ga.
9. Qutpanov kóshesi, 4 — 0.18 ga.
10. Sarybulaq jaǵalaýy — 1.1 ga.
11. Dúkenuly kóshesi, 13 — 0.26 ga.
12. Dúkenuly kóshesi 10 — 0.3 ga.
13. Jeńis kóshesi, 73 — 0.14 ga.
14 . Jeltoqsan kóshesi 32/1 — 0.5 ga.