Senattyń Áleýmettik-mádenı damý jáne ǵylym komıtetiniń tóraıymy Birǵanym Áıtimova talqylaýdy ashyp, bul kezdesý Senattyń 2017 jylǵa arnalǵan josparyna sáıkes ótip otyrǵanyn aıtty. Onyń maqsaty «Qazaqstan Respýblıkasy Prezıdentiniń 2015 jylǵy 30 qarashadaǵy Joldaýy aıasyndaǵy «Jumyspen qamtýdyń jol kartasyn» quqyqtyq qamtamasyz etý sharalary týraly» taqyryby boıynsha dóńgelek ústeldiń (2016 jylǵy 19 qazandaǵy) usynymdaryn oryndaý barysy týraly memlekettik organdar men uıymdardy tyńdaý bolyp tabylady.
Kezdesýde Eńbek jáne halyqty áleýmettik qorǵaý mınıstri Tamara Dúısenova halyqty jumyspen qamtý boıynsha naqty usynymdarynyń oryndalýy men jekelegen máseleleri boıynsha jańa ádis-tásilder ázirleý týraly habardar etti.
2016 jylǵy 29 jeltoqsanda eńbek naryǵynda qajet bolatyn kásibı tájirıbe men mashyqtardy ıgerýdiń tıimdi júıesin qalyptastyrýǵa, jappaı kásipkerlikti damytýǵa, halyqtyń áleýmettik álsiz toptaryn qoldaýmen birge, eńbek deldalynyń tıimdi úlgisin jasaýǵa baǵyttalǵan 2017-2021 jyldarǵa arnalǵan jumyspen qamtý jáne jappaı kásipkerlikti damytý baǵdarlamasy qabyldandy.
Kezdesýde Eńbek jáne halyqty áleýmettik qorǵaý, Aýyl sharýashylyǵy mınıstrlikteriniń nátıjeli jumystary, usynymdardyń barlyq tarmaqtarynyń oryndalǵany, sondaı-aq, halyqty jumyspen qamtý salasyndaǵy josparlar men keleshektegi jumystar týraly tolyq jáne bárin qamtıtyn aqparattar berilgendigi atalyp ótildi.
Senatorlar Aqan Bıjanov, Serik Bekturǵanov, Álı Bektaev jáne basqa da kezdesýge qatysýshylar talqylanyp otyrǵan taqyryp boıynsha óz oılaryn ortaǵa saldy.
Kezdesýdi qorytyndylaı kelip, Birǵanym Áıtimova paıdaly ári nátıjeli áńgime bolǵanyn, jumyspen qamtý jónindegi memlekettik saıasatty iske asyrýǵa baılanysty jáne ondaǵy jetildirýdi talap etetin jekelegen máseleler boıynsha birqatar mańyzdy máseleler qozǵalǵanyn atap kórsetti.