Ulybrıtanııa premer-mınıstri Tereza Meı 29 naýryzda Koroldiktiń Eýroodaq quramynan shyǵý úderisin bastaıdy, dep habarlaıdy Habar 24 telearnasy.
Bul týraly Tumandy Albıonnyń Eýroodaqtaǵy turaqty ókili Tım Barroý Eýrokeńes basshylaryna málimdegen. Buǵan deıin Brıtanııa úkimeti odaqtan shyǵý úderisiniń naýryz aıynyń sońyna deıin bastaıtynyn aıtqan.
Esterińizge sala ketsek, 14 naýryzda atalmysh qujatty parlament maquldaǵan bolatyn. Ulybrıtanııanyń Brexit máseleleri jónindegi mınıstriniń málimdeýinshe, úkimet 2016 jyldyń maýsymyndaǵy halyq tańdaýyn resmı túrde oryndaýǵa kelesi sársenbide kirisedi. Al jalpy kelissózder eki jylǵa sozylýy múmkin.