2016 jylǵy ósimge qaramastan, eldiń basqa da ekonomıkalyq salalarymen salystyrǵanda aýyl sharýashylyǵyna salynǵan ınvestısııa kólemi tómen.
2016 jyly aýyl sharýashylyǵy mekemeleriniń negizgi kapıtalyna quıylǵan ınvestısııa 51 paıyzǵa ulǵaıyp, 253 mlrd teńgeni quraǵan edi. Biraq jalpy elimizge kelgen ınvestısııa kóleminiń 3,3 paıyzy ǵana osy salaǵa tıesili.
Investorlardyń salaǵa salǵan qarjysynyń azdyǵyn mamandar bul saladaǵy táýekeldiń tym joǵarylyǵymen baılanystyrady. Degenmen, 2016 jyly syrtqy ınvestorlardy sanamaǵanda el ishindegi kásipkerler men sharýalardyń bank pen ózge de qarjy uıymdarynan aýyl sharýashylyǵymen aınalysý úshin alǵan qarjysy kóbeıgen. Atap aıtar bolsaq, byltyr sharýalar men kásipkerlerdiń osy maqsatta rásimdegen nesıeleriniń kólemi 2 ese artyp, 30 mlrd teńgege jetken.