Uzyndyǵy eki metrden asatyn baǵaly bekire balyǵy Atyraýdaǵy shabaq ósirý zaýytyna jetkizildi. Qazir onyń jaı-kúıi men densaýlyǵy mamandardyń jiti baqylaýynda. Bekire ósirý zaýytynyń bas ınjeneri Bolat Muhatjıevtiń aıtýynsha, analyq qortpadan kem degende 30 keli ýyldyryq alýǵa bolady.
Balyq uryqtanǵan soń mamandar ýyldyryǵyn alyp, ózin qaıtadan tabıǵı ortasyna jiberedi. Jyl saıyn Atyraýdaǵy eki zaýyttan jeti mıllıonǵa jýyq bekire shabaǵy Kaspıı teńizine jiberilip keledi. Endigi kezekte eki zaýyttyń qýatyn tórt esege arttyrý josparlanyp otyr.
Oblystyq orman sharýashylyǵy jáne janýarlar dúnıesi komıteti tóraǵasynyń mindetin atqarýshy Marlen Aınabekovtiń aıtýynsha, 2018 jyly osy maqsatqa 30 mln teńge qarjy bólinedi. Sol kezde sý aıdynyna jylyna 30 mln shabaq jiberýge múmkindik bolady.
Baqytgúl Babash,
«Egemen Qazaqstan».
Atyraý