Jıyndy asha otyryp, aımaq basshysy Elbasy Nursultan Nazarbaevtyń 31 qańtardaǵy halyqqa Joldaýynda 2050 jylǵa deıin IJО́-degi shaǵyn jáne orta bıznestiń úlesin 50 paıyzǵa deıin ulǵaıtýdy tapsyrǵandyǵyn atap ótti. «Osy mindetterdi iske asyrý maqsatynda oblysymyzda jappaı kásipkerlikti damytý úshin biryńǵaı óńirlik Jol kartasyn ázirledik. Onyń basty maqsaty - barlyq kásipkerlikti qoldaýǵa baǵyttalǵan úkimettik jáne óńirlik baǵdarlamalardy biriktirip, olardy tıimdi paıdalaný bolyp tabylady»,- dedi oblys ákimi.
Qyzylorda qalasynda shaǵyn jáne orta bıznesti damytý boıynsha usynystar men Jol kartasynyń múmkindikteri týraly oblys ákiminiń orynbasary Evgenıı Kım baıandama jasady.
«Múddeli memlekettik organdarmen jáne qarjy ınstıtýttarymen birlesip kásipkerlikti memlekettik qoldaýdyń barlyq múmkindikterin qarastyra otyryp, Qyzylorda qalasynyń ekonomıka sektorlary boıynsha negizgi erekshelikterin aıqyndap, barlyq ındıkatorlardy ákimdiktegi ahýaldyq ortalyqqa júktedik. Endi biz aýyl ákimderiniń jappaı kásipkerlikti damytý boıynsha qaı deńgeıde jumys jasap jatqandyǵyn anyq baqylap otyra alamyz»,- dedi Kım.
Qala ákimi Nurlybek Nálibaev qyzylordalyqtardy kásipkerlikke tartý boıynsha atqarylǵan jumystar týraly baıandady. Otyrysty qorytyndylaǵan Qyrymbek Kósherbaev Qyzylorda qalasy men qalaǵa qarasty eldi mekenderdiń ákimderine birqatar naqty tapsyrmalar berdi.
Esterińizge sala keteıik, shaǵyn jáne orta bıznesti damytý boıynsha kóshpeli otyrystar osyǵan deıin oblystyń barlyq aýdandarynda ótkizildi.