Álem balalaryn mádenıet jaqyndastyrady

Atalmysh joba 1990 jyl­dan bastap balalar shyǵar­mashylyǵy arqyly mádenıetter arasyndaǵy kelisimdi ornatý jáne qorǵaý maqsatynda jumys istep, bilim jáne mádenıet salasyndaǵy IýNESKO baǵdar­lamalaryn damytyp keledi. 

Aıta ketsek, «Mitsubishi Asian Children’s Enikki Festa» jobasyn jyl saıyn «Mitsubishi» korporasııasynyń qoǵammen baılanys jónindegi komıtetiniń qoldaýymen Ja­po­nııa ulttyq IýNESKO assosıasııalary federasııasy jáne Azııa-Tynyq muhıty aımaǵynyń IýNESKO klýbtary men asso­sıasııalarynyń federasııasy uıymdastyryp otyrady.

«Mitsubishi Asian Children’s Enikki Festa 2017-2018» joba­synyń jańa toptamasyn bas­taý qarsańynda ótip jatqan bul kórmede Bangladesh, Býtan, Brýneı-Darýssalam, Vetnam, Úndistan, Indonezııa, Kambodja, Qytaı, Koreıa, Laos, Malaızııa, Maldıv, Mońǵolııa, Mıanma, Nepal, Pákistan, Sıngapýr, Qytaılyq Taıpeı, Taıland, Tımor-Leste, Fılıppın, Shrı-Lanka jáne Japonııa elderiniń 2015-2016 jylǵy joba jeńim­pazdarynyń kartınalary usy­nyldy. Son­daı-aq, fınalǵa shyq­qan qazaq­standyq segiz je­ńim­paz­dyń áserli jumystary da kór­mege kelý­shiler yqylasyna bólendi.

Is-sharaǵa Almatydaǵy IýNESKO klasterlik bıý­ro­sy­nyń dırektory Andreı Shevelev, Qazaqstannyń IýNESKO jáne ISESKO isteri jónindegi Ulttyq komıssııasynyń já­ne Memlekettik Ortalyq mý­zeıi ókilderi qatysyp, baı­qaý­ǵa atsalysqan jet­kin­shekterge shyǵarmashylyq shyńdalý men jetistikter tilesti, elimizdiń jar­qyn bolashaǵyna degen úmit­terin bildirdi.

Atalmysh jobanyń alma­tylyq úsh jeńimpazyna estelik syılyqtar berilse, IýNESKO klýbtarynyń jańa múshelerine resmı túrde klýb músheliginiń pasporty men tósbelgisi tabys etildi. Kórme kórermender nazaryna 14 sáýirge deıin usy­nylmaq.

Mıra BAIBEK, «Egemen Qazaqstan» ALMATY