«Reseı Jınaq banki» AQ Enshiles Banki: О́sim turaqty, sapa joǵary, keleshek jarqyn

Búgingi ómirdi banktersiz kózge elestetý múmkin emestigi ámbege aıan. Al endi elimizdiń jalpy bank júıesin sońǵy ýaqyttarda «Reseı Jınaq banki» aksıonerlik qoǵamy­nyń Enshiles Bankinsiz elestetý qalaı bolar eken? Múmkin emes demeı-aq qoıalyq. Biraq qıyndaý ekeni aıdan anyq. Osy pikirdi aıǵaqtaıtyn dálelder de jeterlik. «Jınaq banki» AQ EB óz ómir­baıa­nyn bastaǵan 2006 jyldyń aıaǵy­nan bergi az jyldar ishinde Qazaqstannyń qarjy naryǵynda tuǵyryn áste tó­men­detpeı, bıik ustap keledi. Reseılik qarjy júıesiniń kóshbasshysy, sony­men birge Ortalyq jáne Shyǵys Eýro­pa­nyń eń iri qarjylyq ınstıtýty sa­nalatyn Reseı Jınaq banki sol jyly Teksakabanktiń 99,99 paıyz ak­sııasyn  satyp alǵan bolatyn. Enshiles Banktiń tyrnaqaldy qadamdary­nyń qutty bolyp ilgerileı túsýine bul oqıǵanyń ıgi yqpaly bolmady deı almas edik. Qadamnyń quttylyǵy neden kó­rin­di desek, 2007 jyly Bank ulttyq jáne shetel valıýtasynda júzege asy­rylatyn banktik jáne basqa opera­sııa­lardy júrgizýge lısenzııa aldy. Ile-shala jarǵylyq kapıtal 15 ese derlik ulǵaıtylyp, 29 mlrd. teń­geni (240 mln. dollardan astam) qurady. Mine, naq osy jaǵdaı «Jınaq banki» AQ Enshiles Bankiniń jarǵylyq kapıtal kólemi boıynsha Qazaqstan­daǵy asa iri 10 banktiń qataryna qosylýyna múmkindik bergen edi. Ýaqyt ushqyr. Izdenister utqyr. Soǵan saı ózgerister de ǵalamat. Búgin tańdaǵy «Jınaq banki» AQ EB degende kóz aldymyzǵa ámbebap bank keledi. Ol dástúrli sapany, turaq­ty­lyqty já­ne zamanaýı teh­no­logııa­lar­dy oń­taı­ly ushtastyr­ǵan. Álem­niń asa iri bankterimen baılanysy da aýqymdy, sondaı-aq ekonomıkanyń áralýan sala­syn qam­tyǵan klıentermen jáne árip­tes­termen jumys táji­rıbesi de zor. Reseılikterdiń qatysýymen qaz ba­syp órkendegen osynaý qazaqstan­dyq Enshiles Banktiń qarjy naryǵyndaǵy bes jyly úlken bir belespen teń. Ol ásirese kásipkerlerdi qoldaıtyn «Damý» qory, «Bıznestiń jol kartasy – 2020» memlekettik baǵdarlamalaryna bel­­sene, bel sheshe qatysýymen qýan­dyr­dy. «Reseı Jınaq banki» AQ EB bas­qar­ma tóraǵasy Oleg Smırnovtyń aı­týyn­sha, tek 2010 jyly ǵana Bank Qa­zaq­stan ekonomıkasynyń naqty sek­toryna 218 mlrd. 475 mln. teńge, al barlyǵy 419 mlrd. 870 mln. teńge ınvestısııa salǵan. Bul mysaldan da bank áleýeti baıqal­ǵandaı. Qarjylyq kórsetkishter Banktiń Qa­zaq­stan naryǵyndaǵy tuǵyry turaq­ty túrde nyǵaıyp, qyzmet tıimdiligi arta túskendigin aıǵaqtaýda. O.Smırnov ja­qynda ózderinde aksıonerlerdiń jyl­­dyq jalpy jınalysy ótip, onda 2010 jyl qorytyndylary shyǵaryl­ǵanyn já­ne bıylǵy jyldyń birinshi toqsa­ny­nyń nátıjeleri talqylanǵanyn  aıta­dy. О́tken jyl bank úshin sátti bol­ǵan kórinedi. Birinshiden, eldiń makro­ekono­mı­ka­lyq kórsetkishi – IJО́ 7 paıyz shamasynda ósken. Osy eleýli ósim bank júıesiniń qarjylyq turaq­tylyǵyna áser etken. «Eń bastysy, biz Qazaq­stan­nyń asa iri bankteriniń on­dyǵyna kirip, aktıvter kólemi jóninen toǵyzynshy shepte turmyz» dep atap kórsetti tóraǵa. 1 sáýirde bank úlesi shamamen 2,5 paıyz bolady dep kútilýde. 2010 jyldyń nátıjelerine keler bolsaq, bul úles 1,9 paıyzdan 2,3 pa­ıyzǵa deıin ulǵaıǵan. Jalpy ótken jyldyń bank júıesi úshin kúrdeli bolǵanyna qaramastan, Jı­naq banki aktıvter kólemi jóninen 27 paıyzdan astam ósip, 282,7 mlrd. teń­geni quraǵan. Zańdy tulǵalardyń salym­dary 40 paıyzdan astam ósip, 161,7 mlrd. teń­gege jetken. Nesıelik portfel ósimi 83 paıyzdan asyp túsip, 176,6 mlrd. teńge bolǵan. Bank osy oraı­da belsendi opera­sııa­lardy da­mytý naryǵyndaǵy kósh­bas­shylar­dyń biri bolyp tabylady. Jalpy alǵanda, 2011 jyl­dyń 1 qańtaryndaǵy jaǵdaı bo­ıynsha menshik kapıtaly 39,9 mlrd. teńgeni qurap, banktiń taza paı­dasy 2,6 mlrd. teńge boldy. Alǵashqy toqsan nátıjeleri de kó­ńil­ge toq. Aıtalyq, Enshiles Bank aktıvteri 20,3 paıyz ósip, 340 mlrd. teń­geni qurady. Zańdy tulǵalardyń salym­dary 40,8 paıyz ósip, 227,7 mlrd. teń­ge­ge jetti. Jeke tulǵalardyń salymdary 8,3 paıyz ósip, 36,7 mlrd. teńgeni qura­dy. Menshik kapıtaly 42,3 mlrd. teńgege kó­terilip, taza kiris 1,8 mlrd. teńge tú­rin­de kórinis tapty. Osylaısha Bank kósh­bas­shylar úshtigine kirip otyr. Al, 10 mlrd. teńge somasyndaǵy tirkelgen oblıgasııalar 1 mamyrdan bastap Bank kapı­talyn 50 mlrd. teńgege deıin arttyrmaq. Álbette, O.Smırnov osynaý sandyq kórsetkishterdiń astarynda banktiń aýqymdy ishki jumystary jatqandyǵyn basa aıtty. Olaı bolsa, 2011 jyl bank ishindegi eleýli ózgerister jyly bolmaq. Tóraǵanyń aıtýynsha, munyń ózi óner­ká­siptik revolıýsııa retinde aıqyn­da­lyp­ty. Bıyl kóptegen tehnologııalyq óz­gerister iske qosylmaq. Olardyń maq­saty – bankti klıentke qaraı barynsha baǵdarlaý. Klıentter úshin satylym kólemin ulǵaıtý maqsatynda jyl aıaǵyna deıin CRM júıesin ónerkásiptik turǵydan ıgerý jolǵa qoıylmaq. Bank neǵurlym ıkemdi bola túspek. Demek, 2011 jyl enshilester úshin sapany jaqsartý jyly bolary esh kúmánsiz. Mysaly, bankte engizilgen «Qupııa satyp alýshy» júıesi bólimshelerdegi jumys sapasyn arttyrýǵa qyzmet etedi. Al ekinshi jartyjyldyqta «Nesıe fabrıkasy» dep atalatyn úlken joba bastalmaq. Bul úderis nesıe berý rásim­de­mesin barynsha ońaılatýǵa kó­mektes­pek. Sondaı-aq Basqarma tóraǵasynyń orynbasary Sergeı Inıýshın ótken jyly korporatıvti klıentter sany 10 myńnan asqanyn, 100 myńynshy banktik karta shyǵarylǵanyn, «Jas otba­sy» nesıelik baǵdarlamasy boıynsha bas­tap­qy jarna 30-dan 10 paıyzǵa deıin tó­mendetilgenin atap aıtty. Bul da basty nazarda klıentter ekendigin kórsetedi. Bank óz komandasyn damytýǵa da úl­ken kóńil bólýde. Munda koman­da­ny qoldaý úshin aıtarlyqtaı ınvestısııa salynady. Sirá, 2010 jyl qorytyn­dylary boıynsha «Reseı Jınaq banki» toby tartymdylyq reıtınginde №1 jumys berýshi ataǵyn alsa, tań­danýǵa bolmas. Osyndaı reıtıngter Qazaqstanda da ótkizilip tursa, quba-qup. О́ıtkeni, búgin tańda kerek kadrlar bárin sheshedi. Endeshe, taıaýdaǵy tórt-bes jylda Bank Qazaqstandaǵy ilkimdi jumys berýshi retinde de iltıpatqa ilinedi dep úmittenemiz. 2011 jyl Enshiles Bank úshin jaq­sy jańalyqtarmen áıgilenýde. Jyl basynda «Jınaq banki» AQ EB jáne Ońtústik Qazaqstan oblysy ákimdigi ózara yntymaqtastyq týraly memo­ran­dýmǵa qol qoıyp, respýblıkanyń iri qalalarynyń biri Shymkentte jańa fılıaldyń Ortalyq ofısi ashyldy. Bul rettik jaǵynan 13-shi fılıal já­ne Qazaqstandaǵy 105-shi núkte. Bas­qarma tóraǵasynyń orynbasary Shýhrat Sadyrov osyndaǵy ǵımarat­tyń sáý­letinde qazaq halqynyń ult­tyq na­qyshtary, rámizderi, ekonomı­kalyq ny­shandary eskerilgendigine, saıttar­dyń da  ulttyq órnektegi jańa dızaınmen aıshyqtalǵandyǵyna toqtaldy. Aqpan aıynda  Almatyda Bank­tiń enshiles kompanııasy – «Sberbank lızıng Kazahstan» tirkelgen. Bank úshin bul mańyzdy oqıǵa bol­dy. Munyń ózi Bank modeli ámbebap kommersııalyq bank ekenin tanytty. Demek, onyń banktik qana emes, lızıngilik qyzmet keshenin usyný múmkindikteri meılinshe keń. 1 naýryzdan bastap ónimder tiziminde jańa banktik ónim – «Iesizdendirilgen metaldyq esepshot» paıda bolǵanyn aıtý kerek. Sonymen birge reseı rýblindegi tutynýshylyq nesıeleý baǵdarlamalary boıynsha nesıe alý múmkindigi kópshilik kóńili­nen shyǵyp, reseı rýblindegi tólem kartalary qoldanysqa endi. Banktiń 2015 jylǵa deıingi negizgi damý strategııasy eldiń ekinshi deń­geı­l­i bankter naryǵyndaǵy qatysý úle­sin 5 paıyzǵa deıin ósirý bolyp taby­la­dy. Sonymen birge ústimizdegi jyl Bank úshin merekeli jyl. Sebebi, Jı­naq bankine – 170 jyl, al Enshiles Banktiń Qa­zaqstan aýmaǵyndaǵy qy­metine 5 jyl tolady. Olaı bolsa, Bank­tiń bıylǵy jylǵy: «Bizge 170 jyl toldy, bári áli alda!» degen urany da kópshilikke túsinikti. Eń bastysy, ósim – turaqty, sapa – joǵary, keleshek – jarqyn. Qorǵanbek AMANJOL. Almaty. ______________ Sýretti túsirgen Bersinbek SÁRSENOV.