Jemqorlyqqa qarsy saıasat mańyzdylyǵy aıtyldy

Sankt-Peterbýrgte ótken Birinshi halyqaralyq zań fo­rý­my jumysyna Qazaq­stan Res­pýblıkasynyń Ádi­let mınıstri Rashıd Túsip­be­kov qa­ty­syp, onda ol «Sy­­baı­las jem­qor­lyqqa jáne aqsha qaraja­tyn zań­syz aýdarý men lań­kes­tikti qarjylandyrýǵa qarsy is-áreketti halyqaralyq jáne ulttyq quqyqtyq retteý» máselesi boıynsha sóz sóı­ledi. Plenarlyq májilisti Reseı Fe­derasııasynyń Prezıdenti D.Med­­vedev ashty. Forým ju­mysyna Eýropa Keńesiniń Memlekettik hat­shysy, Gaaga kon­fe­rensııasynyń halyqaralyq jeke quqyq boı­yn­sha Memlekettik hatshysy, Reseı Federasııasy, Nor­­vegııa, Shvesııa, Slovenııa, Polsha, Belgııa, Úndistan, Túr­kııa elderiniń ádi­let mınıstrleri, AQSh Bas pro­kýrorynyń oryn­basary, professorlar men Eýropa elderi advokattar alqasynyń tóraǵalary qatysty. R.Túsipbekov jemqorlyq ha­lyq­aralyq qaýymdastyqtaǵy kez kelgen memlekettiń bedeline nuq­san keltirip, júrgizip otyrǵan eko­nomıkalyq jáne áleýmettik refor­malaryna kedergi jasap, el qaýip­siz­digine qater tóndiretini týraly aıtyp ótti. Mınıstr Qa­zaq­stan qa­jetti zań shyǵarý negizin qalyp­tas­tyra otyryp, TMD el­deri ara­syn­da alǵashqylardyń biri bolyp sy­baılas jemqor­lyqqa qar­sy kúres týraly zań qabyldady, dedi. Dóńgelek ústelge qatysqandar Qazaqstan Respýblıkasy Prezıdenti men Úkimeti janyndaǵy kon­sýltasııalyq-keńes organ­da­ry qyzmeti, sonymen qatar, sy­baılas jemqorlyqqa qarsy is-áreket máseleleri boıynsha ja­sa­lyp jatqan jańa zań shyǵarý bas­tamalary týraly habardar boldy. Ádilet mınıstrliginiń bas­shy­sy elektrondy úkimet taqyry­by­na jeke toqtaldy. Atap aıtqanda, R.Túsipbekov qazirgi tańda Qa­zaqstannyń elektrondy Úkimet portaly arqyly 70-ten asa elek­trondy jáne 2000 aqparattyq qyzmet kórsetiletinin, 10 myń shamasynda elektrondy anyq­ta­ma beriletinin atap ótti. Sózin qorytyndylaı kele, mınıstr elde júrgizilip kele jatqan jem­qorlyqqa qarsy saıasat júıe­li­liginiń mańyzdylyǵyn atap ótti dep habarlady Ádilet mınıstr­li­giniń baspasóz qyzmeti. «Egemen-aqparat».