Aksııa aıasynda atqarylar sharýa kóp

Sońǵy bir-eki jyldan beri elimizdiń shyǵysynda ob­lys ákimi Berdibek Sapar­baevtyń bastamasymen «Tý­ǵan jerge taǵzym» aksııasy turaqty túr­de júrgizilip keledi. Osy ıgilikti sharadan Abaı aýdany da syrt qalyp otyrǵan joq. Atal­ǵan aýdan­nyń tizginin ja­ńada ǵana qol­ǵa alǵan Tur­syn­ǵazy Músá­pir­bekov te aksııa aıasynda birden mańyzdy sha­rýaǵa qyzý kirisip ketti. Ákim bastamasymen jýyrda osy óńirden shyqqan esimi elge keńinen tanymal azamattar aýdan ortalyǵy – Qaraýylda basqo­syp, týǵan jerdi túletý maq­sa­tynda keńinen pikir almasty. Bir qýanarlyq jáıt sol, aýdandaǵy keleli máselelerden ózge de keıbir azamattar syrt qalmady. Aýdan ákimi, eń aldymen, qazir­de atqarylyp jatqan ıgi isterge toqtaldy. Aıtalyq, aýdan orta­lyǵynda burynǵy «Arman» kı­no­teatry qaıtadan jóndeýden ót­kizilýde. Ol endi jastar úıi bo­lyp ashylmaq. Munda, sondaı-aq sport zaly men alańy jasaq­ta­lyp jatqan kórinedi.  Aýdanǵa kire beriste aǵashtar otyrǵyzylyp, saıabaq ashylýy da ońdy sharýa boldy. «Ana men bala» gúlzary­nyń ashylýyn da quptamasqa bolmaıdy. Osyndaǵy Áýezov eskertkishi jóndeýden ótkizilýde. Al jekelegen aýyldarǵa kelsek, olarda da ońdy ister joq emes. Máselen, Medeý aýy­lyn­da klýb úıi jóndelip jatyr eken. Sarjal aýylynda sý qu­byry tartylýda. Amantaı Mu­qataev, Saılaý Koshkın sekildi el azamattary hakim Abaı­dyń eń jaqyn shákirt­teriniń biri Kókbaıdyń kesenesi men mu­rajaıyn jóndetip beremiz dep otyr. Al bıylǵy jyly Kók­baı aqynnyń týǵa­nyna 150 jyl tolsa, ol da óz dáreje­sinde atap ótilmek. Qaraýylda búgingi kúni du­rys qonaq úı, ashana, toıhana joq. Soǵan oraı, Shákárim atyn­daǵy Semeı memlekettik ýnı­versıtetiniń rektory Erlan Sy­dyqov osynda óz qara­jatyna qonaq úı salyp berýge ýáde etti. Dáýlet SEISENULY. Semeı.