Hatshylyq basqosýy aıasyndaǵy júzdesýler

Keshe Astanada Álemdik jáne dástúrli dinder lıderleri sezi Hatshylyǵynyń otyrysy aıasynda Parlament Sena­ty­nyń Tóraǵasy, Álemdik jáne dástúrli dinder lıderleri sezi Hatshylyǵynyń jetekshisi Qaırat Mámı birqatar ekijaqty kezdesýler ótkizdi, dep habarlady Parlament Senatynyń baspasóz qyzmeti. Islam jáne shaqyrý isteri jónindegi mınıstrler konferen­sııa­sy­nyń (Saýd Arabııasy) Bas hatshysy Madjıd Abdýl Azız at-Túrkımen kezdesý barysynda Q.Mámı Álemdik jáne dástúrli dinder lıderleri seziniń jumy­syn­daǵy Saýdııa tarapynyń úle­sin joǵary baǵalady. «Qazaqstan Saýd Arabııasy Koroldigin arab jáne musylman álemindegi stra­tegııalyq áriptes retinde qaras­ty­rady», dep atap ótti Tóraǵa. Qazaqstannyń Islam Konfe­ren­sııasy Uıymyna tóraǵalyq etýine qatysty Q.Mámı «bizdiń elimiz EQYU-daǵy qyzmet táji­rıbesin IKU-ǵa ákelýge, Batys pen musylman áleminiń ózara túsinistigi men yntymaqtastyǵyn nyǵaıtýǵa nıettenip otyr», degen oıymen ortaqtasty. Jahandyq dinaralyq jáne mádenıetaralyq únqatysýdy da­my­týdyń ózekti máseleleri Bú­kil­qytaı býdda assosıasııasy (QHR) Halyqaralyq yntym­aq­tastyq bóliminiń basshysy Pý Chjenmen kezdesýde talqylandy. Álemdik jáne dástúrli dinder lıderleri sezin ótkizý jónindegi Qazaqstan bastamasyna qytaı jaǵynyń qoldaý bildirgeni úshin rızashylyǵyn jetkize otyryp, Q.Mámı «Qazaqstan men Qytaı ara­syndaǵy ekijaqty yntymaq­tas­tyq pen dostyq baılanystar áleýeti órkenıetaralyq jáne din­aralyq únqatysýdy birlese ilgeriletýmen baıı túsedi», dep atap ótti. Sol kúni Q.Mámıdiń Izraıl Bas sefard ravvıniniń ókili Meır Danınomen, Máskeý Patrıarhaty Shirkeýlermen jáne qoǵammen ózara  qatynastar jónindegi bóli­mi tóraǵasynyń orynbasary Georgıı Roshınmen, Kıeli taqtyń Dinaralyq únqatysý jónindegi Papa keńesiniń ókili Krıstıan Troll­men, Egıpettiń Almaty­da­ǵy ıslam má­de­nıeti ýnıversı­tetiniń rektory Mahmud Hıdjazımen kezdesýlerinde qazaqstan­dyq dinaralyq forýmdy odan ári ilgeriletý má­se­leleri talqy­landy.