Ekibastuzda bolashaqtyń vagondary jasalýda

Pavlodar oblysynyń temir jol kásiporyndary mashına qurastyrýda Prezıdenttik ındýstrııalyq-ınnovasııalyq baǵdarlamanyń kóshbastaýshysyna aınaldy

Qazaqstannyń vagon jasaý kompanııasy – elimizdiń údemeli ındýstrııalyq-ınnovasııalyq baǵdarlama­syna sáıkes, óte qysqa merzimde iske qosylǵan jańa kásiporyn. Bul joba 2008 jyly Memleket bas­shy­synyń Qazaqstan halqyna Joldaýynda aıtylǵan: «Jyljymaly quramǵa suranysty tómendetý maq­satynda otandyq mashına jasaýdy damytý sala­synda keshendi sharalardy júzege asyrý kerek» degen tapsyrmasyna oraı júzege asyryldy. 

Jobany júzege asyrýshy – «Qazaqstan temir joly» UK» AQ Petropavldyń «ZIKSTO» AQ jáne Ekibastuzdyń «Taman» JShS negizinde «Qazaqstanda jasalǵan» markaly jartylaı júk vagondaryn jasaýdyń ońtaıly ekendigin baǵamdady. 2010 jyly «Qazaqstannyń vagon jasaý kompanııasy» 114 vagondy shyǵarsa, bıylǵy jyly 1,5 myń vagondy paıdalanýǵa bermek. Kompanııa tolyq qýatynda qyzmet etken kezde jylyna bes myń vagon shyǵaratyn bolady. Kásiporyn aldyna qoıylǵan basty maqsat – Qazaqstannyń údemeli ındýstrııalyq-ınnova­sııalyq baǵdarlamasyna súbeli úles qosa otyryp, Ulttyq tasymaldaý kompanııasynyń sapaly júk vagondaryna surany­syn qanaǵattandyrý. Kásiporynnyń basty ereksheligi sonda – onyń jańashyl­dy­ǵynda jáne jańa qural-jabdyqtardy óndiriske barynsha jyl­dam ári kereginshe ornalastyra bilýinde kórinedi. Kúni búgin kompanııa eńbekkerleriniń biliktiligin kún sanap ósire otyryp, jańa tehnıka men tehnologııanyń qulaǵynda oı­naı­tyn dárejege jetkizip, irikteýden ótkizip jatyr. Sehtarda Germanııa, Italııa, Avstrııa, Shvesııa, Shveısarııa, Reseı, Ýkraı­nanyń vagon jasaý kásipornyna qajetti standartty jáne standarttan tys qurylǵylary jetkizilip, qurastyrylýda. Sapalyq menedjmenti halyqaralyq standarttyń ISO 9001: 2009 quraı­dy. Qazirgi tańda shyǵaryp jatqan ónimderi – 70 tonnalyq júk tıeıtin jartylaı vagony. Buǵan deıin qolmen atqarylyp kelgen jumystardyń denin endigi jerde kompıýterlik qurylǵylar men avtomattan­dy­rylǵan tehnıkalar atqarady. Sehtardyń bárinde jaqynda ákelingen qural-jabdyqtardyń janynda bir-bir sheteldik ınjener men qazaqstandyqtardy baıqadyq. Árqaısysynyń tusyna aıaldaǵan kompanııa bas ınjeneri Oleg Chýdopal jańa tehnıkanyń artyqshylyqtaryn maıyn tamyza maqtaı jóneledi. Ataǵynan at úrketin álemniń maqtaýly kompanııalarynyń ishinen tańdaýlyla­rymen iskerlik qarym-qatynastyń jolǵa qoıyla bastaǵandyǵyn aıtyp masaıraıdy. Shyndyǵynda, halyqtyq támsilinde aıtyl­ǵandaı, adamnyń jumysy bastaǵanynan bilinetindigi ras eken. Bizdiń keletindigimizden beıhabar bolǵanymen, alty birdeı at shaptyrym alańdarynda artyq aýys shashylǵan temir jańqa­lary, tehnıka qaldyqtary kórinbeıdi. Barlyǵy oryn ornynda, qyzdyń jıǵan júgindeı. Tehnıkalyq júıeniń bólim bastyǵy Sergeı Atrýshkın men Mınskiniń óndiristik ınjenerlik bıýrosynyń ınjeneri Aleksandr Rorf chehtyń «Magway» kompanııasynyń ónimin zaýytqa ornatyp, ekibastuzdyqtardy úıretip jatyr eken. Olar jergilikti halyqtyń meıirbandyǵyn, qonaqjaılylyǵyn, ilim-bilimge qushtarlyǵyn aıryqsha maqtaıdy. Ýkraınanyń «Tehvagonmash» zaýytynyń ınjeneri Iýra Lachno men «KVK» slesary Ivan Merkel erekshe til tabysqan kóri­ne­di. Qarapaıym dánekerleýshi men slesardyń saǵattap ja­saı­tyn jumysyn avtomattandyrylǵan jańa tehnıka quralymen sanaý­ly sekóntte ǵana jasaıdy. Birneshe mınótte vagondy aýdaryp, tóńkeretin de pýltpen basqarylatyn qural ornatyl­ǵan. Asa aýyr zattardy ornynan basqa jerge jetkizetin aspaly krandy qyzdar urshyqsha úıirgen. Jartylaı vagon jasaýǵa ákelingen qańyltyr qabyǵy men temir buıymdarynyń bastapqy qalpynan vagondy tolyq quras­tyr­ǵanǵa deıingi ondaǵan úderisterdiń barlyǵy da eshqaıda shy­ǵa­rylmaı daıyn ónimge deıin túgeldeı zaýyt ishinde atqa­rylady. Bir qyzyǵy – burynǵy zaýyttardaǵydaı aýyr tehnıkalardyń tarsyl-gúrsili, burqyraǵan shań-tozań, jumysshylardyń ysh­qyn­ǵan ashy aıǵaıy joq. Árkim óz sharýasymen áýre. Eń sońǵy jańa sehty aralaý barysynda Oleg Chýdopal mynadaı tym usaq bolyp kóringenimen qyzyqty tájirıbeni jaıyp saldy. Bul sońǵy sehta bolashaqta kompanııaǵa jetkiziletin qańyltyr qabyrshaǵy ábden tazalanyp, jýylyp, súrgilenip, árlenedi eken. Sonsha tazalaýdyń, óńdeýdiń nátıjesinde daıyn vagonnyń paı­dalanylý merzimin taǵy da ondaǵan jyldarǵa uzartýǵa bola­tyn­dyǵyn ǵalymdar anyqtap otyrǵan kórinedi. Budan iri kásip­oryn­da usaq-túıektiń bolmaıtyndyǵyn ańǵardyq. Kompanııa ál­em­dik tájirıbeniń sońǵy úlgilerin, jańa tehnologııalar men teh­nıkalardyń tyń tájirıbelerin óndiriske engizýdi batyl qolǵa alǵan. «Qazaqstannyń vagon jasaý kompanııasy» Elbasy kózdegen ındýstrııalyq-ınnovasııalyq baǵdarlamasynyń otandyq eko­nomı­kadaǵy tabysty qadamynyń naqty bir mysaly. Respýblıka ekonomıkasynyń qaryshtap damýyna, júk jónel­týshiler men jetkizýshilerdi sapaly kólikpen qamtý talabyna oraı, otandyq jyljymaly quramnyń jańa ónimi der kezinde qolǵa alynǵan jáne rekordtyq merzimde ońtaıly oryndalǵan joba bolyp otyr. Eskendir ERTAI, Sergeı ASTRELIN.   QVK óndirisi túgeldeı avtomattandyrylǵan  

Kásiporynda 500 jumys orny ashyldy

Vagondy jasaý isi únemi baqylaýda ustalady Kásiporyn tiregi – bilikti mamandar Sheteldik mamandar tájirıbe almasýda   KVK sehy «Qazaqstanda jasalǵan» júk vagony Otandyq mashına qurastyrý kóshbasshysy