Talǵarda basylǵan kitap eksportqa shyǵady

Qazirgi kezde irili-usaqty bas­­palar naryq zańdylyǵymen ju­mystaryn jalǵastyrýda. Desek te mashaqaty jetip, arty­latyn sa­ladan tabys tabý ońaı emes. Osyndaı irgeli istermen aına­lys­qan Talǵar aýdanyndaǵy «In­tell­service» kompanııasy maq­sa­tyna jetý úshin memleket ta­ra­pynan qol­daý taýypty. Ujym Qazaq­stan­daǵy baspadan shaǵa­ry­latyn ónimderdiń 30 paıyzyn daıyn­daýdy alǵa qoıǵany tegin emes. Táýelsizdigimizben qurdas ón­diris orny ótken jyly «Damý» qory bergen qarjyǵa qosymsha seh salyp, Germanııadan ákelingen 8 stanokty ornalastyrýda. Jańa qondyrǵynyń ereksheligi bir mezette qaǵazdyń eki betine sýret basylyp, shyǵarylatyndyǵy. – «Bıznestiń jol karta­sy-2020» baǵdarlamasy arqyly qar­jylyq qıyndyqtardan qutyl­dyq. Bul baspadan shyǵatyn ónim kólemin arttyrýǵa múmkindik berdi. Iаǵnı, tapsyrys kólemi ulǵaı­ǵanda ju­mys­shylar qatary da ósedi. Bola­shaqta 150 adam ju­mys­pen qamty­lady, – deıdi «Intellservice» kompa­nııasy dırek­tory­nyń oryn­basary Erkin Tilebaldın senimmen. Qazirgi kezde baspada 350 adam eńbek etedi. Olar negizinen Talǵar qalasynyń turǵyndary. Ári aı­lyq­tary 70 myń teńge kóleminde. – Osynda eńbek etkenime 6 aı boldy. Kásibime mashyqtandym. Jáne kúndelikti jumysqa arna­ıy avtokólikpen tasymaldaıdy. Tamaqty da osyndaǵy ashanadan ishemiz, – deıdi Gúlim Ákim­bekova. Qaǵazdyń barlyq túrinen ónim shyǵarýǵa baǵyttalǵan ká­sip­oryn memlekettik tapsyrys boıynsha da jumys isteıdi. Jyl saıyn 300 myń dana kitap basyp, halyqtyń rýhanı kemeldenýine de úles qosý­da. Kelisim shartpen óz ónimderin Reseı na­ryǵyna shyǵaratyny taǵy bar. Qazirgi «Intellservice» kom­pa­nııa­­sy Qazaqstan naryǵyn­daǵy qaǵaz ónimderiniń 20 paıy­zyn qam­typ otyr. Aldaǵy kezde ony 30 pa­ıyzǵa jetkizý kózdelgen. So­ny­men qatar básekege qabilet­ti­likterin shyńdap, joǵary stan­dartqa saı jumys isteýdi maqsat etken ujym­nyń el táýe­lsiz­diginiń mereıine degen tartýlary qomaqty. Kúmisjan BAIJAN, Almaty oblysy.