20 myń terek otyrǵyzǵan qandasymyzdyń bastamasyn aýyldastary qoldap otyr

Syrt jurttaǵy qandastary­myz atamekenine kósh kerýenin túzegen sátten beride eki on jyl­dyq artta qalypty. Úmit­te­rin úkilegen sol otbasy­la­ryn­da dúnıege kelgen náreste de jıyrmanyń jalyna qol salǵan. Olar elim dep emirenedi. Qazaqstannyń teń quqyly azamaty atanyp, oqyp, bilim alýda. Osyndaı qandas­ta­ry­myz­dyń biri Serikbaı Maral­bektiń Jetisý jerine kelgenine alty jyl. Ol ata jurtqa kelisimen bel sheship eńbek etti. «Ma­ǵan ne beresiń?» demedi. Kerisinshe, aýyldy gúldendirýge kiristi. Bıyl merekeli jyl. Demek, oǵan úles qosý úshin «20 jyl­dyq­qa – 20 myń aǵash» degen bas­tamamen Eńbekshiqazaq aýda­ny Qyzylsharyq aýylyna óz qarjysyna 20 myń túp  terek ekti. Alqaptaǵy qaz qatar otyr­ǵyzylǵan kóshetter qazir jaı­qa­lyp tur. Aýyl ákimdigi men turǵyndar da qoldaý bildirip, terek otyrǵyzylǵan alqapty bolashaqta saıabaqqa aınaldyrý jónindegi tujyrymǵa kelgen. Kezinde kúl-qoqys úıilgen aýyl shetindegi kúresindi tazar­typ, qoqystardy shyǵaryp, jerdi tegistep, 20 myń túp kók terekpen kómkergen ol jas óskinderdi Qytaıdan arnaıy ákelipti. – Otyrǵyzylǵan jas terekterdi Qytaıdan arnaıy qol dorbaǵa salyp ákeldim. Jolda kedenshiler toqtatyp, myna «otyn­dy» qaıda apara jatyrsyń, dedi. Men olarǵa elimdi gúlden­di­reıin degen nıetimdi aıttym. Onda eńbegińiz jansyn dedi olar. Myna jaıqalǵan aǵash sany 20 myńnan da kóp, – deıdi Qyzyl­sha­ryq aýylynyń turǵyny Serikbaı. Terekti ósirýdiń de ózindik qyr-syry bar. Máselen, qaýlaı ósken  japyraqtaryn julyp, ta­myr alýyna múmkindik berý kerek. Qytaıdan jetkizilgende birer qarys kóshetter kútip baptaýdyń arqasynda úsh jylda bıiktep, kádimgi terekke aınalypty. Ja­syl jelek japyraq jaıǵan. Kó­leń­kesi de edáýir. Balalar ara­syn­da asyr salyp oınaýda. Qan­dasymyzdyń bul ıgilikti isi el táýelsizdiginiń 20 jyldy­ǵyna arnalǵan jeke syıy ekenin de aıta ketken jón. Búginde Serikbaıdyń basta­ma­syn aýyl ákimi men aýyl­das­tary jalǵastyryp áketti. О́ıt­keni, bolashaqta jastar men qart­tar osynda kelip, kóleń­ke­sinde dem alsa, rızashylyǵyn bil­dirse, budan artyq qýanysh joq. Sondaı-aq el mereıine tar­týdy aǵash ósirýden bastaǵanyn bári de nátıjeli is dep baǵalaýda. – Týǵan jerdi, elimizdi kór­keı­tý, sol jolda ter tógý bári­mizge ortaq mindet. Serikbaıǵa rıza bolyp, oǵan qoldaý kór­setip, úlesimizdi qosaıyq dep otyrmyz, – deıdi Qyzylsharyq aýylynyń turǵyny Embergen Jeksenov. Aýyl ákimdigi men kásip­ker­ler de qarap qalǵan joq. Endi olar 20 myń túp aǵash otyr­ǵy­zylǵan jerdi saıabaqqa aınal­dy­rý úshin iske kirisken. Halyq demalatyn oryndyqtar qoıý jáne taǵy basqa mádenı sharalar qolǵa alynbaqshy. Táýel­sizdiktiń 20 jyldyǵyna – 20 myń túp aǵashty bir ózi ekken Serikbaı keler jyly taǵy da osynshama aǵash kóshetterin otyrǵyzýdy josparlap otyr. Kúmisjan BAIJAN, Almaty oblysy.