Ortaq kelissózge yntalylyq

Memlekettik hatshy Qanat Saýdabaev Astana tórinde ótip jatqan Islam Yntymaqtastyq Uıymy Syrtqy ister mınıstrleri keńesiniń 38-shi sessııasyna qatysýǵa kelgen birqatar delegasııa basshylaryn qabyldady. Qanat Bekmyrzauly eń áýeli Ulybrıtanııa jáne Soltústik Ir­landııa Birikken koroldigi dele­ga­sııasynyń basshysy, qazirgi Konservatıvti bılik partııa­sy­nyń teń tóraıymy baronessa Saıda Ýorsımen kezdesti. Basqosý kezinde Memlekettik hatshy Astanada uıymdastyrylǵan ıslam álemine qatysty aýqymdy jıyn­nyń mańyzdylyǵyna toqtaldy. «Qazaqstan Prezıdenti sessııaǵa qatysýshylarǵa arnaǵan sózinde ıslam Ýmmasy aldynda turǵan túıtkildi máselelerdi naqty atap kórsetti. Sondaı-aq, sol másele­lerdi sheshý joldaryna da toq­talǵan edi. Bul, eń aldymen, ıslam qoǵamdastyǵyn jandandyrý. Ekinshiden, ıslam álemi elderiniń baı tabıǵı resýrstaryn halyq­tyń áleýmettik jaǵdaıy men turmys-tirshiligi jolynda tıimdi paıdalaný. Al úshinshiden, Shy­ǵys pen Batys arasyndaǵy ún­qatysýdy nyǵaıtý jáne damytý. Bizdiń el óziniń tájirıbesi ar­qy­ly osy tóńirektegi máselelerdi sheshýge kúsh salyp keledi. 20 jyl bederinde Qazaqstan Prezı­dentiniń salıqaly saıasaty arqa­synda el ishindegi turaqtylyq, beıbitshilik pen kelisim saqtalyp keledi. Elimizde 46 konfes­sııa­nyń 130-dan astam etnos ókilderi turady. Sondyqtan, biz burynǵy Keńes Odaǵy elderiniń ishinde osyndaı ustamdy saıasatty júr­gizip keletin elderdiń biri ekenimizdi maqtan tutamyz. Sol saıa­sattyń arqasynda memlekette eshqandaı shıelenis oryn alǵan joq. Bul – bizdiń eldiń bola­shaqtaǵy damýynyń negizi», dedi Qanat Saýdabaev. Al Saıda Ýorsı «Islam Yn­tymaqtastyq Uıymy» Syrtqy ister mınıstrleri keńesiniń 38-shi sessııasynda musylman álemi­men jáne musylman emes álemniń túrli qoǵamdastyǵynyń ózara qoıan-qoltyq jumys istep, ynty­maqtastyq ornatýy turǵysynda aıtylǵan oı-pikirge qosy­la­ty­nyn jetkizdi. «Men Ulybrıtanııa mınıstrler kabınetiniń mınıstri bolǵanymmen, dinı senimim jaǵynan musylmanmyn. Bul osyndaı yntymaqtastyqtyń qa­jet­tiligin dáleldeıtin mysal­dar­dyń biri», dedi ol. Qanat Saýdabaev Iаdrolyq qarý-jaraqty taratpaý jónindegi Uıymnyń Daıyndyq komıssııa­synyń atqarýshy dırektory Tıbor Totpen de kezdesti. «Iаdrolyq qarýdy taratpaý jáne ıadrolyq qaýipti seıiltý baǵytynda jumys atqarýda belsendilik kórsetip júr­gen azamatpen, shynaıy do­sy­myzben júzdesý bizdiń kóńi­limizge árdaıym jylylyq uıala­tady. Siz basqaratyn Uıymmen biz­diń kóp jyldan bergi ynty­maq­tastyǵymyz óz nátıjesin beredi. Siz Qazaqstan Prezıdenti­niń osy másele tóńiregindegi bas­tamalaryn únemi qoldap kelesiz. BUU Bas Assambleıasy Qazaqstan Prezıdentiniń 29 tamyzdy Semeı polıgonynyń jabylǵan kúni dep jarııalaǵan Jarlyǵy týraly arnaıy qarar qabyldaǵany belgili. Bul kún búginde Iаdrolyq synaqtarǵa qarsy is-sharalardyń halyqaralyq kúni bolyp bekitilgen. Meniń oıymsha, bul – bizdiń ortaq jeńisimiz. Bıylǵy jyly osy kúndi jaı ǵana atap ótpeı­miz. Bul jyl Semeı synaq polı­gonynyń jabylǵanyna 20 jyl tolýymen de este qalady. Osy­ǵan oraı, bıylǵy jyldyń qazan aıynda Astanada «Iаdrolyq qarý­syz álem» degen taqy­ryp­pen ha­lyqaralyq forým ótedi. Oǵan álem­niń túkpir-túkpirinen ıadro­lyq qarýsyzdaný qozǵalysy ba­ǵy­tynda jumys atqaryp jatqan azamattar keledi. Sáti túsken kezde sizdi Memleket basshysy aty­nan osy aýqymdy sharaǵa sha­qyramyn. Bolashaqta ózimizdiń ekijaqty yntymaq­tas­tyǵymyzdy nyǵaıta túsemiz degen oıdamyn», dedi Qanat Saýdabaev. Tıbor Tot óz sózinde Islam Yntymaqtastyq Uıymyna múshe elderdiń 90 paıyzǵa jýyǵy biz­diń Iаdrolyq qarýdy taratpaý jónindegi kelisimimizge qol qoı­ǵan. Endi 4 el osy kelisimge qol qoımaq. Bıylǵy jyl Semeı sy­naq polıgonynyń jabylǵanyna 20 jyl tolýymen erekshelenedi. Sondaı-aq, bıyl bizdiń ortaq kelisimge qol qoıýymyzǵa 15 jyl tolmaq. Iаdrolyq qarýsyzdaný ba­ǵytyndaǵy bastamalary ja­ǵy­nan Qazaqstan kóshbasshylyq tizgindi ustap keledi. Astanada óte­tin «Iаdrolyq qarýsyz álem» ha­lyqaralyq forýmy aıasynda biz ózimizdiń yntymaqtastyǵymyzdy odan ári jalǵastyra beremiz degen oıdamyn», dedi T. Tot. Bul kúni Memlekettik hatshy Eýropa Keńesi Parlamenttik Assambleıasynyń tóraǵasy Mevlıýt Chavýshoǵlymen de kezdesti. Kezdesý barysynda taraptar N.Nazarbaevtyń bastamasy boı­yn­sha jasalǵan «Eýropaǵa jol» memlekettik baǵdarlamasyn jú­zege asyrý, osy baǵyttaǵy ju­mys­tardy Eýropada jandandyrý jónindegi máseleler boıynsha pikir almasty. «Eýropa Keńesimen aradaǵy baılanysymyz jyl ótken saıyn jańasha jandanyp, ózgeshe qar­qyn alyp keledi. Bul rette siz­derdiń qoldaýlaryńyz negizinde júzege asyp otyrǵan parla­ment­aralyq baılanys ólsheminiń ma­ńy­zy zor. Qazaqstan úshin damý­dyń eýropalyq vektory aıryqsha mańyzǵa ıe basymdyqtardyń biri. Qazaqstan Prezıdentiniń bas­tamasymen qolǵa alynǵan «Eý­ropaǵa jol» memlekettik baǵdar­lamasy – sonyń aıǵaǵy. Sondaı-aq, ótken jyly elimizdiń EQYU-ǵa tóraǵalyq etýi men uıym sammıtin ótkizýi de halyqaralyq qoǵamdastyqtyń Qazaqstan áleý­mettik-ekonomıkalyq, qoǵamdyq-demokratııalyq salalardaǵy saıa­sa­tyn obektıvti moıyndaýdyń bir kórinisi. Sondyqtan, biz Eýropa álemimen baılanysymyzdy jalǵastyra beretin bolamyz. Eýropa Keńesi men Qazaqstan ara­syndaǵy yntymaqtastyq ta óziniń ıgi nátıjesin beredi degen senimdemin», dedi Q. Saýdabaev. Mevlıýt Chavýshoǵly da Eýropa Keńesi men Qazaqstan árip­testigi qos taraptyń ortaq múd­de­leriniń júzege asýyna yqpal etedi degen oıyn jetkizdi. Láıla EDILQYZY.