Saıajaı, baý-baqsha sharýashylyqtary damytylmaq

Premer-Mınıstr Kárim Másimovtiń tóraǵalyǵymen ótken keshegi Úkimet otyrysynda saıajaı, baý-baqsha jáne qosalqy sharýashylyqtardy damytýdyń 2011-2014 jyldarǵa arnalǵan sharalar kesheni qaraldy. Osy másele boıynsha baıandama jasaǵan Aýyl sharýashylyǵy mınıstri Asyljan Mamytbekov mınıstrliktiń málimetteri boı­yn­sha qazirgi kúni azamattardyń jeke qosalqy sharýashylyq­ta­ryn­daǵy ónimder aýyl sha­rýa­shylyǵy óndirisiniń 56,8 paıy­zyn quraıtyndyǵyn aıtty. Mı­nıstrdiń málimdeýinshe, saıajaı jáne baý-baqsha ıeleriniń osy sa­lalardy damytýǵa qatysty tala­by sonshama kóp emes. Eń bas­ty­sy, ósimdikterdi sýaratyn sý, qajetti elektr qýaty, saıajaı­la­ry­na jetý úshin avtobýs qaty­nasy men ónimderdi saqtaý baǵy­tynda qoǵamdyq kúzet tártibi bolsa jetip jatyr. Qaralyp otyrǵan jobanyń aıasynda ákimdikterge óńirlerdegi saıajaılar men baý-baqsha sharýa­shy­lyqtaryn túgendep, olardyń bos jatqandyqtaryn anyqtap, naq­ty esep júrgizý usynylady. Eger qajet bolǵan jaǵdaıda saıajaı alańdaryn keńitý úshin ákimdikter qala mańyndaǵy bos jatqan jerlerdi osy maqsatqa paıdalanýy tıis. Al turǵyn úı-kommýnaldyq qyzmet organdary jańa saıajaı alańdaryn tıisti ınfraqurylymdarmen qamtama­syz etip, saıajaılardy salýdyń tehnıkalyq-ekonomıkalyq negizdemeleri men jobalyq-smetalyq qujattaryn ázirleýi kerek. Qaralyp otyrǵan sharalar kesheni saıajaı kooperatıvterin je­ńildikpen qarjylandyrý úshin ár oblysqa áleýmettik-kásipkerlik korporasııalary arqyly 50 mıllıon teńgeden bólýdi kózdeıdi. So­nymen qatar, saıajaıshylar­dyń arnaýly tehnıkalar satyp alýy shaǵyn nesıelermen qam­tý­ǵa ár oblysqa 20 mıllıon teńge­den qarjy bólý qarastyrylyp otyr. Adamdardyń saıajaı sharýa­shy­ly­ǵymen shuǵyldanýǵa degen ynta­syn arttyrý úshin elektr qýaty men saıajaılarǵa arnalǵan sý qyzmetiniń tarıfin tómendetý, avtobýs qaty­nasyn uıymdastyrý máseleleri  de osy keshendi sharalarda qamtylǵan. Sonymen qatar Úkimet oty­rysynda Qarjy mınıstri Bolat Jámishev «Eksporttyq-ımport­tyq operasııalar boıynsha bir tereze» aqparattyq júıesin qurý­dyń tujyrymdama jobasyn us­yn­dy. Qarjy mınıstrligi basshy­sy­nyń aıtýynsha, qazirgi kúni ha­lyqaralyq saýdaǵa qatysatyn kom­panııalar túrli ruqsat berý qujattary men lısenzııalar sertıfıkattar alýǵa uzaq ýaqyt­ta­ryn joǵaltyp júr. Onyń ústine árbir baqylaýshy organnyń kompanııalar tapsyratyn qajetti qu­jattardy aıqyndaýda jáne olar­dyń tizimi men tapsyrylatyn mer­zimin belgileýde óz erejesi, talaby men úderisi bar. Máselen, kompanııalar ózderine qajetti 14-17 qujatty alýy úshin buǵan qa­tysty 40-qa jýyq qujat jınaýǵa májbúr bolady eken. «Eksporttyq-ımporttyq operasııalar boıynsha bir tereze» aqparattyq júıesi iske qosylǵan jaǵdaıda syrtqy ekonomıkalyq qyzmetke qatysýshy bar bolǵany bir ǵana qujatty toltyryp, ózine qajetti ruqsat berý qaǵazyn ala alady. Osy jobany júzege asyrý keden úderisteriniń tıimdiligin art­tyrýǵa yqpal etetindigi, kásipker­lerdiń jumysyn kóp jeńilde­te­tindigi atap kórsetildi. Qaralǵan máselelerdi qory­tyn­dylaǵan Úkimet basshysy Ká­rim Másimov otyrysta aıtylǵan usy­nys­tarǵa sáıkes birqatar mem­le­ket­tik organdarǵa tıisti tapsyr­ma­lar berdi. Suńǵat ÁLIPBAI.