On úsh satyǵa alǵa

FIFA maýsym aıyndaǵy reıtıngisin jarııalady. Bul tizimde Qazaqstan ulttyq qura­masy 13 satyǵa kóterildi. Mamyr aıynda elimizdiń bas komandasy 139 orynda bolatyn. Al 3 maýsymda Eýropa chempıona­ty­nyń irikteý kezdesýinde Ázer­baı­jan qu­ra­masyn óz alańynda 2:1 esebimen jeńgen soń, Mıroslav Be­ranektiń ko­mandasy 13 sa­tyǵa kó­terilip, 126 orynǵa or­na­lasty. Bir oıyn arqy­ly birden 13 satyǵa kó­terilý Qazaq­stan úshin jaman emes. Endi qyr­kúıekte Túr­kııamen kezdesemiz. Odan keıin Avstrııany qa­byl­daı­myz. Ázirshe bizdiń qurama A to­byn­da eń sońǵy orynda tur. Bizdiń toptaǵy Germanııa FIFA reıtıngisinde 3-shi, Túrkııa 23-shi, Belgııa 35-shi, Avstrııa 65-shi, Ázer­baıjan 112-shi orynda. Al Halyqaralyq fýtbol qaýym­dastyǵynyń  tiziminde al­ǵash­qy on­dyq­ta myna elderdiń quramalary or­nalasqan. 1. Ispanııa, 2. Gollandııa, 3. Germanııa, 4. Anglııa, 5. Brazı­lııa, 6. Italııa, 7. Portýgalııa, 8. Horvatııa, 9. Meksıka, 10. Argentına. Olardan keıin Azııa elderi ishinde eń myqty sanalatyn Japonııa komandasy 13 orynǵa shyq­sa, 1998 jylǵy álem jáne 2000 jylǵy Eýropa chempıony Fransııa 15-shi orynǵa ornalasqan. Osy aıda Belarýs quramasy 40-shy orynǵa kóterilip, 42-shi satydaǵy Ýkraına komandasynan ozyp ketti. Zımbabve maýsym aıynyń eń úzdik quramasy bolyp shyqty. Afrıka eli osy aıda birden 39 satyǵa kóterilse, Lıhtenshteın 33, Lıberııa 32, Komor araldary 24, jaqyn­da ǵana KONKAKAF kýbogyn ıelengen Meksıka 19, Iаmaıka men Zambııa 17, Panama 15 satyǵa jaǵ­daıyn jaqsartyp aldy. Al maýsym aıynyń eń álsiz komandasy 37 satyǵa tómen túsip qalǵan Jańa Zelandııa boldy. Dastan KENJALIN.