Birlesken otyrys ótti

30 maýsymda Qazaqstan Respýblıkasy Prezı­den­tiniń janyndaǵy Quqyqtyq saıasat jónindegi keńestiń jáne Joǵary Sot Keńesiniń birlesken otyrysy bolyp ótti. Birlesken otyrysta sot júıesiniń damý bola­shaǵy, sot sheshimderin qabyldaýdyń ashyqtyǵy jáne oǵan jarııa qol jetimdilikti qamtamasyz etý máseleleri qarastyryldy. Atalǵan máseleler boıynsha Joǵary Sottyń aqparaty tyńdaldy. Sol kúni Qazaqstan Respýblıkasy Prezı­den­ti­niń janyndaǵy Quqyqtyq saıasat jónindegi keńes­tiń otyrysy bolyp ótti, onda «Qazaqstan Res­pýblı­ka­synyń ishki ister organdary týraly (jańa redaksııa)» jáne «Qazaqstan Respýblıkasynyń keıbir zańnamalyq aktilerine probasııa qyzmeti máse­leleri boıynsha ózgerister men tolyqtyrýlar engizý tý­ra­ly» zań jobalarynyń tujyrym­dama­lary qarasty­ryl­dy. Atalǵan máseleler boıynsha Ishki ister jáne Ádilet mınıstrlikteriniń aqpa­rattary tyńdaldy. О́tkizilgen Quqyqtyq saıasat jónindegi keńes pen Joǵary Sot Keńesiniń birlesken jáne Qu­qyq­tyq saıasat jónindegi keńes otyrystarynyń usy­nymdary Qazaqstan Respýblıkasyndaǵy zańnamany jáne quqyq qoldaný qyzmetin ári qaraı jetildirýde eskeriletin bolady. Qazaqstan Respýblıkasy Prezıdenti Ákimshiliginiń Memlekettik-quqyq bólimi.