Uıymǵa jańa bas hatshy keldi

Italııa ókili Lamberto Zaner Eýropadaǵy qaýipsizdik jáne yn­tymaqtastyq uıymynyń jańa Bas hatshysy bolyp taǵaı­yn­dal­dy. Mundaı sheshimdi 56 qatysý­shy memleket mınıstrleri birneshe kúnge sozylǵan «tynyshtyq rásimi» arqyly 30 maýsym kúni biraýyzdan qabyldady. Zaner qyzmetine 1 shildede kiristi. Jańa Bas hatshy – kásibı dıplomat, 2002 – 2006 jyldar ara­lyǵynda EQYU-nyń Jan­jal­dar­dy boldyrmaý ortalyǵynyń dı­rek­tory qyzmetin atqarǵan. 2008 jyldan beri Birikken Ulttar Uı­ymynyń Kosovo boıynsha arnaıy ókili jáne BUU-nyń Kosovodaǵy О́tpeli ákimshiligi mıssııasynyń basshysy boldy. EQYU Bas hatshysy Is basyn­daǵy tóraǵanyń ókili jáne EQYU-nyń bas ákimshilik qyz­met­keri retinde áreket etedi. Ol Syrtqy ister mınıstrleri keńe­si­niń sheshimimen úsh jyldyq merzimge taǵaıyndalady. Qazirgi Is basyndaǵy tóraǵa Aý­dronıýs Ajýbalıs Bas hatshy qyzmetin aıaqtaǵan Mark Perren de Brıshamboǵa qatysýshy memleketter atynan alǵysyn bildirip, «Siz jáne sizdiń komandańyz EQYU-nyń Astanadaǵy Sammıti kezinde onyń jaqsy qyzmetin qam­tamasyz ettińizder. Ol azat, demokra­tııa­lyq, ortaq ári bólin­beıtin Eýro­atlantıkalyq jáne Eý­razııalyq qaýipsizdik qoǵamdas­tyq maqsaty boıynsha kelisimge qol jetkizýge edáýir járdem­des­ti», dedi ol. Atalǵan “tynyshtyq rásimi” mınıstrlerge is júzinde kezdespeı, sheshim jobasyn qarastyryp, qabyldaýǵa múmkindik beredi. To­lyqtyrýy nemese eskertpesi bar mınıstr ony jazbasha túrde nemese ókili arqyly Is basyndaǵy tóraǵalyqqa jetkizedi. Al belgilengen merzim ishinde eshkim qarsylyq bildirmegen jaǵdaıda sheshim kúshine enedi. Eske sala keteıik, naq osy­laı­sha, “tynyshtyq rásimi” arqyly ekijaqty jáne kópjaqty keńes­ter­diń nátıjesinde byltyrǵy jy­ly tamyz aıynda EQYU-ǵa mú­she elder syrtqy ister mınıs­tr­le­ri­niń Astanada 1-2 jeltoqsan kún­de­ri EQYU Sammıtin ótkizý tý­raly sheshimi qabyldanǵan bolatyn. Talǵat JUMAǴULOV, «Egemen Qazaqstan» – Venadan.