Otanymyz sizderdi umytpaıdy

Taıaýda Almatydaǵy ult­tyq quramanyń «Talǵar» ba­za­synda elimiz fýtbolynyń bir top ardagerleri Qazaqstan fýtbol federasııasynyń ser­tı­fıkatyna ıe boldy. Bul qujat boıynsha endi qazaq fýt­boly­nyń bastaýynda bo­lyp, onyń damýyna úles qos­qan ardagerler ómir boıy QFF-dan stıpendııa alatyn bolady. Olar myna sańlaqtar: Tımýr Sanjaruly Segizbaev – KSRO sport sheberi, Qazaq KSR eńbek sińirgen jattyqtyrýshysy; Evgenıı Ivanovıch Kýznesov – KSRO sport sheberi, Qazaq KSR eńbek sińir­gen jattyqtyrýshysy; Gennadıı Grıgorevıch Kostıýchenko, – KSRO sport sheberi; Robert Ovakımovıch Antarıan – KSRO sport sheberi; Vıktor Alekseevıch Abgols – KSRO sport sheberi; Seıitjan Berikbaıuly Baıshaqov – KSRO sport sheberi; Borıs Fedorovıch Ishenko – KSRO sport sheberi; Vladımır Sergeevıch Bolotov – Qazaq KSR eńbek sińirgen jat­­tyqtyrýshysy; Anatolıı Gav­­rı­lovıch Kolıberdın – Qazaq KSR eńbek sińirgen jat­tyq­tyrý­shysy; Bolat Bekenuly Ǵalıev – Qazaq KSR eńbek sińirgen jat­tyq­tyrýshysy; Alek­sandr Nıkolaevıch Jýıkov – KSRO sport she­beri; Iýrıı Fedorovıch Belasıkov – KSRO sport sheberi; О́mir­bek Raqymjanuly Bekbosynov – KSRO sport sheberi; Vladımır Nıkolaevıch Chebotarev – KSRO sport sheberi; Kezdesýde QFF vıse-prezıdenti Seıilda Baıshaqov sóz alyp, fýtbol federasııasy joǵarydaǵy ar­da­gerlerdiń sińirgen eńbekterin eskerip, sońǵy jyldary olardy áleý­­mettik jaǵynan qoldaý maq­sa­t­ynda jumys istep jat­qan­da­ryn atap ótti. Qazaqstan ult­tyq qura­ma­synyń bas bapkeri Mıroslav Beranek elimiz fýtbolynyń bas­taýyn­­da bolǵan azamattarmen ta­nys­qanyn zor mártebe sanaıty­nyn aıtsa, ardagerler óz kezeginde QFF-ǵa rızashylyqtaryn bildirip, qazaq fýtbolyna batalaryn berdi. Ardagerlerge stıpendııa taǵa­ıyn­daý QFF prezıdenti Ádilbek Jaqsybekovtyń ıdeıasy ekenin, endi osy azamattar aı saıyn fýtbol federasııasynan 30 000 teńge kóleminde stıpendııa ala­tyn­daryn atap ótken jón. Ony jasy 63-ten asqan, «Qazaqstan Respýb­lı­kasyna eńbek sińirgen jattyq­tyrý­shy», «Qazaqstan Respýblı­ka­syna eńbek sińirgen sport sheberi», «Qazaqstan Respýblıka­sy­nyń halyqaralyq deńgeıdegi sport sheberi», «Qazaqstan Res­pýb­lıkasynyń sport sheberi» degen ataqtary bar ardagerler ala alady. Sonymen birge olardyń KSRO kezinde alǵan sporttyq ataqtary da eskeriletin bolady. Qazaqstan fýtbolynyń ardagerleri osy jyldyń aqpan aıy­nan beri jeke qarjylyq qol­daý­ǵa ıe bolyp otyr. Dastan KENJALIN.