Turǵyndar: Apta aıshyqtary

Osy maqsatpen olar qalada jármeńkelerdi jıi ótkizýde. Endi, mine, el Táýelsizdiginiń 20 jyldyǵyna oraı aýyl ónerpazdary qalaǵa óner saparymen kele bastady. Aıtalyq, qala mańyndaǵy Znamenka aýyly ónerpazdarynyń oıyn-saýyǵy osyndaǵy M.Áýezov eskertkishi janynda ashyq aspan astynda ótti. «Atameken» ánimen ashylǵan aýyl ónerpazdarynyń konserti úsh saǵatqa sozyldy.

Dáýlet SEISENULY, Semeı.  

Úzdik balabaqsha baıqaýy. Halqymyz «Tárbıe bolsa, balǵyn óser somdalyp» degen. Oblystyq bilim basqarmasy jyl saıyn «Úzdik balabaqsha-2011» baıqaýyn ótkizýi osyǵan dálel. Mektepke deıingi mekemelerde tárbıeshilerdiń bilim, biliktiligin kóterý, tájirıbesin nasıhattaýǵa arnalǵan sharada jeńimpaz atanǵan balabaqsha respýblıkalyq baıqaýǵa qatysý múmkindigin ıelenedi. Baıqaýǵa óńirdegi úzdik dep tanylǵan 18 balabaqsha qatysyp, baıqaý sharty boıynsha synǵa tústi. Úmitkerlerdiń sheberligine, mádenıeti men jańashyldyǵyna, kásibı tájirıbesine mán berildi. Baıqaý qorytyndysynda Alakól aýdanynyń «Qýanysh-2» balabaqshasy – birinshi, Jambyl aýdanyndaǵy jekemenshik «Jazıra» balabaqshasy – ekinshi, balqashtyq «Jasulan» balabaqshasy úshinshi oryndardy ózara bólisti.

Kúmisjan BAIJAN, Almaty oblysy.  

Áıgili «De Longhi» yntymaqtastyqqa yntaly. Italıandyq bul kompanııanyń jylý radıatorlaryn, ónerkásiptik salqyndatqyshtar men turmystyq tehnıka shyǵarýdaǵy ataǵy alysqa aıan. Onyń quramynda Italııada 2, Qytaıda 3, Reseıde 1 zaýyt jumys isteıdi. Oblysqa arnaıy jumys saparymen kelgen atalǵan kompanııa jetekshisi Djýzeppe Delong myrza óńir basshylarymen kezdesýde ekijaqty tıimdi baılanystar ornatýǵa yntalylyq tanytty. Onyń aıtýynsha, aımaqta óz ónimderin óndirýge shıkizat pen metall jetkiliktigi, sonymen birge bilikti mamandar men ınfra­qu­rylymnyń táýirligi óndiristi qalyptastyrýǵa negiz qalaıdy. Osyǵan baılanysty is-sharalardy iske asyrýǵa nıet bildirildi.

Aıqyn NESIPBAI,  Qaraǵandy.  

Medresesi bar jańa meshit. Shalǵaıdaǵy Jekekól aýylynda jańa meshit boı kóterip, jurtshylyqtyń ıgiligine paıdalanýǵa berildi. Ony osy aýyldyń týmasy, ataqty Bárı qarıdyń nemeresi Medet saldyrdy. Alla taǵalanyń jerdegi úıiniń ashylý saltanatyna «Qyzyljar» ortalyq meshitiniń bas ımamy Qasymhan qajy Abdollauly, oblys ákiminiń orynbasary Farhad Qýanǵanov, aýdan ákimi Serik Ybyraev jáne jan-jaqtan kelgen meımandar qatysyp, jyly lebizderin arnady. Bir mezette 600 adam namaz oqı alatyn ǵıbadathananyń 120 oryndyq ashanasy, medresesi bar. Medrese synyptary talapqa saı jabdyqtalyp, ınteraktıvti taqta, túrli-tústi teledıdar ornatylǵan. Meshitke bar ǵumyryn din jolyna arnaǵan Bárı qarıdyń esimi berilip, Ádilbek Qaıyrbekov ımam bolyp taǵaıyndaldy.

О́mir ESQALI, Soltústik Qazaqstan oblysy, Jambyl aýdany.  

Súıindikte «Bir tereze» ashyldy. Qurmanǵazy aýdanyndaǵy Súıindik aýyldyq okrýgi óńir or­ta­ly­ǵynan 500-deı shaqyrym qashyqta ornalasqan. Aýdan ortaly­ǵy­na jetý de qıyn. Jol asfalttalmaǵan. Mamyr aıynda osy ok­rýgte bolǵan oblys ákimi B.Rysqalıev biraz qıyndyqtyń sheshiletinin aıtyp edi. О́tken aptada Súıindikte halyqqa qyzmet kórsetý ortalyǵy ashyldy. Budan bylaı aýyl turǵyndary anyqtama alý, ne tólqujat aýystyrý úshin aýdan ortalyǵyna shapqylamaıtyn boldy. Endi bárin «Bir terezeden» alýǵa múmkindik bar.

Joldasbek ShО́PEǴUL, Atyraý oblysy.  

Oqýshylarǵa arnalǵan syılyq. «Nur Otan» HDP oblystyq fılıaly «Jas Otan» jastar qanatynyń kómegimen «Mektepke jol» respýblıkalyq qaıyrym­dylyq aksııasy sheńberinde úlken ıgilikti iske uıytqy boldy. Sóıtip, jańa oqý jyly qarsańynda Baızaq aýdany boıynsha 100 oqýshy mektep formasy, sómke, qalam-qaǵaz sııaqty ózderine asa qajetti taǵy basqa zattarǵa ıe boldy. Syılyqtarǵa degen qarajatty Baızaq aýdany ákimdigi bóldi. Jańa oqý jylyna deıin mundaı syılyq az qamtamasyz etilgen otbasylardaǵy taǵy 200 oqýshyǵa beriledi.

Kósemáli SÁTTIBAIULY, Jambyl oblysy.  

Qazaqstan — baıtaq elim, keń arnam. Jaqynda Maqtaaral aýdandyq ortalyq kitaphanasynda Táýelsizdik­tiń 20 jyldyǵyna arnalǵan “Qazaqstan – baıtaq elim, keń arnam” atty kitap kórmesi ótti. “Táýelsizdik – ultty órkendetýdiń uly qundylyǵy”, “Eltańbasymen eńseli, kók baıraǵymen aıbyndy” jáne “Álemge áıgili – Astana” bólimderinen turatyn kórmege kelýshiler mol boldy. Memleketimizdiń júrip ótken jolyn baıandaıtyn, patrıottyq tárbıe beretin, otansúıgishtik sezimin nyǵaıtatyn kitap kórmesiniń, ásirese, jastarǵa taǵylymy úlken ekendigi anyq.

Baqtııar TAIJAN, Ońtústik Qazaqstan oblysy.