«Hıbatýlla Tarazı» meshiti qaıta jańardy

Taraz qalasynyń tórindegi «Hıbatýlla Tarazı» meshiti qasıetti Oraza aıy qarsańynda shyǵys sáýlet óneriniń sán-saltanatymen qaıta jóndelip, Quran kárim aıattarymen, Alla taǵalanyń múbárák esimderimen jáne duǵa-tilektermen arab tilinde aıshyqtalyp, jamaǵatqa jańadan esik ashty. – Ortalyq kósheniń boıyndaǵy kórnekti jerde turǵanyna qaramastan, qaradúrsindeý salynǵan meshit­ti qala kórkine saı qaıta bezendirý týraly tilek kóp aı­tyldy. Endi, mine, ol Alla taǵalaǵa qulshy­lyq or­nymen birge, shaharymyzǵa shyǵys pen batystan saıahattap kelgen qonaqtardy tánti etetin ásem sáýlet eskertkishine de aınalyp otyr, – degen oblys ákimi Qa­nat Bozymbaev jınalǵandarǵa Oraza qabyl bolsyn aıtty. Alla razylyǵy jolyndaǵy ımandy iske «SK Qulager» kompanııasy bas bolyp, oblystaǵy «Qaz­fos­fat», «SAT kompanı», «Nuraı», «Iýjkamorg» jáne «Arsıkostroıservıs» kompanııalary qarjy­laı demeýshilik jasaǵan. Kósemáli SÁTTIBAIULY, Jambyl oblysy.