«Meniń Qazaqstanym!» – eldi súıýdiń ónegesi bolmaq

Otan Táýelsizdiginiń 20 jyl­dyǵyn merekeleý sharalaryna uı­­ytqy bolyp otyrǵan Memlekettik komıssııanyń sheshimimen elimizde áleýmettik qyzmet, den­saýlyq saqtaý, qarjy salasynyń ókilderiniń, mádenıet pen óner juldyzdarynyń qatysýymen taıaýda «Meniń Qazaqstanym!» atty is-sharalar ótetin bolady. Sonyń aıasynda aqparattyq túsinik ju­mystary júrgizilip, jurtshy­lyq­qa dárigerlik, áleýmettik kó­mek kórsetiledi. Sol sekildi shal­ǵaı stansalar men razezderde turatyn turǵyndarǵa mádenı sharalar uıymdastyrylady. Mereke qarsańynda qazaq óne­riniń aıtýly ókilderi Nurǵa­lı Núsipjanov, Altynbek Qo­razbaev, Roza Rymbaeva, Maqpal Júnisova, Jeńis Seıdollauly, Aıjan Nurmaǵambetova, Erlan Kókeev, Evgenıı Shahraı, Áli­sher Kárimov, «MuzART» toby jáne basqalar ózderiniń án áý­ezderimen jurtty tánti etedi. Bul sharanyń basty maqsatyna keler bolsaq, elimizdiń aımaq­ta­ryn­da ómir súrip jatqan aza­mat­tarǵa Táýelsizdik kúniniń shara­pa­tyn uǵyndyryp, aıtýly merekege atsalysýǵa, óz úlesterin qosýǵa jigerlendirý. Munymen qatar, kórsetilip jatqan memleket tarapynan qoldaýdy uǵyn­dy­rý. Táýelsizdiktiń negizgi ıdeıasy: bostandyqty, birlikti, turaq­ty­lyqty jan-jaqty nasıhattaý. Bul aıtýly bastama Elbasy Nursultan Nazarbaevtyń Qazaq­stan halqyna arnaǵan bıylǵy Joldaýyndaǵy tapsyrmalardy júzege asyrý, memlekettiń jańa áleýmettik saıasatynyń mánin túsindirý, salamatty ómir sal­tyn nasıhattaý, Otanymyzdyń bar­lyq aımaqtarynda turatyn jurt­shylyqtyń jańa memle­ket­tiń irgetasyn qalaýdaǵy maq­ta­nysh sezimi men birligin pash etip, keleshekke degen senimin nyǵaıtý. Osy arada sharaǵa qatysý­shy­lardyń naqty atqaratyn ju­mys­taryn saralaıtyn bolsaq, zeı­netaqymen qamtamasyz etý jáne áleýmettik saqtandyrý, bos ju­mys oryndary men jalaqy tó­leý, medısına uıymdary óz kó­megin uıym­das­tyrý, jurtshylyq­qa qu­qyq­tyq jáne zań boıynsha keńes berý, shaǵyn jáne orta bıznesti qar­jylandyrý, nesıelendirý boı­ynsha maǵlumattar beredi, «Nur Otan» HDP partııasynyń ókilderimen júzdesýler uıym­das­tyrylady. Al bul salıqaly sapardyń birinshi kezeńi – 10-20 tamyz ara­lyǵynda Soltústik-Shyǵys baǵy­ty, ekinshi kezeńi – 10-27 qyr­kúı­ek aralyǵynda Ońtústik-Batys baǵyt, úshinshi kezeńi – 25-26 qa­rasha aralyǵynda Almaty-Asta­na baǵyty boıynsha ótedi. Bir sózben aıtqanda, bul qadam, ıaǵnı «Meniń Qazaqstanym!» poıyzy qazaqstandyqtardy el táýelsiz­di­gin birlese atap ótýge yntalan­dy­ryp qana qoımaı, óz úlesterin qosýǵa múmkindik beredi. Súleımen MÁMET,