Sońǵy 60 jyl ishindegi eń aýyr qurǵaqshylyq Afrıkaǵa zor zardabyn tıgizýde. Tabıǵı-klımattyq qubylys maldyń jappaı qyrylýyna jáne egis dándi daqyldarynyń shyqpaı qalýyna ákeldi, sóıtip jergilikti halyq úshin azyq-túliktiń negizgi kózderi tolyq derlik joıyldy.
BUU baǵalaýy boıynsha, Somalıdegi, Efıopııadaǵy, Kenııadaǵy, Erıtreıadaǵy jáne Djıbýtıdegi halyqty qosa alǵanda, 11 mln. astam adam jedel gýmanıtarlyq járdemdi qajet etedi. Atalǵan elderdiń turǵyndaryna, kóbinese áıelder, balalar men jasy úlken adamdarǵa azyq-túliktiń jáne dári-dármekterdiń joqtyǵynan ólim qateri tónip tur.
Aımaqtyń eń zardap shekken el qataryna Somalıdi jatqyzýǵa bolady, onda jaǵymsyz faktorlardyń qosylǵan áseri – áskerı qaqtyǵystar, qurǵaqshylyq, gıperınflıasııa, vırýstyq aýrýlar – azyq-túlikke baılanysty apatty jaǵdaıdyń paıda bolýyna ákeldi. Gýmanıtarlyq uıymdardyń málimeti boıynsha, elde 3 mln. adam, ıaǵnı halyqtyń tórtten bir bóligi ashyǵýda.
Ústimizdegi jyldyń 28-29 shildesinde shuǵyl shaqyrylǵan Ystambul konferensııasy barysynda Somalıge jáne ıslam áleminiń basqa da muqtaj elderine járdem kórsetý úshin IYU Gýmanıtarlyq koalısııasyn qurý týraly sheshim qabyldaǵan.
Kezdesýge qatysýshylar aldaǵy úsh aıǵa 29 mln. dollar shamasyndaǵy IYU dereý gýmanıtarlyq járdeminiń bıýdjetin anyqtap, qazirgi ýaqytta Somalıge Saýd Arabııasy – 60 mln. dollar, Kýveıt – 10 mln. dollar jáne Sýdan 100 myń dollar shamasyndaǵy qarjylyq kómekti bólý týraly málimdedi.
Qazaqstan Respýblıkasy IYU-nyń belsendi múshesi jáne Uıymnyń Syrtqy ister mınıstrleri keńesi Tóraǵasynyń mindetterin iske asyratyn memleket retinde aldaǵy ýaqytta Koalısııa bıýdjetine óz úlesin engizýge nıetti.
Ystambul kezdesýiniń qorytyndy deklarasııasynda IYU-ǵa múshe elder barlyq musylmandar úshin qasıetti Ramazan aıynyń kezeńinde Somalı jáne óńirdegi basqa afrıkalyq muqtaj elderge múmkin bolatyn járdem kórsetý jónindegi úndeý jasady.
Rekvızıtter men banktik málimetter:
Name of the Account: OIC Assistance Fund
Dollar Account Number: 0005600758
SWIFT CODE: SAMBSARI
SAMBA Financial Group Bank
Jeddah – Kingdom of Saudi Arabia
IBAN: SA 294 0000 0000 0000 5600758