Shırek fınalǵa shyqty

Qazaqstandyq tennısshi Galına Voskoboeva Kanadanyń Toronto qalasynda ótip jatqan syılyq qory 2 mıllıon dol­lardan asatyn Rogers Cup 2011 halyqaralyq sýpertýrnıriniń shırek fınalyna shyqty. Kanadanyń ashyq chempıo­na­ty sanalatyn Canada Masters qazirgi kezde Rogers Cup demeýshilik ataýyna ıe jáne jyl saıynǵy halyqaralyq týrnır qa­taryna engizilgen. 2009 jyl­dan beri osy negizde Áıelder ten­nıs qaýymdastyǵynyń (WTA) premer týrnıri kate­gorııasyna jatady. Birinshi aınalymnyń mat­chyn­­da G.Voskoboeva týrnırdiń to­ǵy­zyn­shy raketkasy, ataqty fransýz Marıon Bartolıdi eki sette (6:3, 6:3 esebimen) jeńip, úlken sensasııa jasasa, qazaq­standyq sportshynyń kelesi qarsylasy ıtalııalyq Flavııa Pennetta bolatyn. G.Voskoboeva bul joly da úlken sheberlik tanytyp, qarsylasyn úsh partııada (2:6, 7:5, 6:2) tize búk­tir­di. Al burnaǵy kúni túnde ol úshinshi aınalymda álemniń bu­rynǵy birinshi ra­ket­kasy, «Úl­ken shlem» týrnıriniń je­ńim­pazy, ataqty reseılik tennısshi Marııa Sharapovadan eki sette basym tústi. Sóıtip, qazaq­stan­dyq sportshy ekinshi qaı­ta­ra úlken sensasııanyń ıegeri atan­dy. Búginde M.Shara­po­va­nyń álemdik reıtıngte besinshi sa­ty­da  turǵanyn da aıta keteıik. Galına Voskoboeva shırek fınalda belorýssııalyq tennısshi, týrnırdiń tórtinshi ra­ketkasy Vıktorııa Azarenkamen sheberlik baıqasatyn bolady. Aıtarlyqtaı bıikke kóterilgen jerlesimizge sáttilik tileımiz. «Egemen-aqparat».