Atom qurbandaryn eske aldy

Elordadaǵy Ulttyq muraǵatta atom jarylysy qurbandaryn eske alý rásimi ótti. Oǵan «Nur Otan» HDP, Avstralııa men Qazaqstannyń dostyq jáne mádenıet qaýymdastyǵynyń, «Atameken» Qazaqstan kartasy» etno-memorıaldy kesheniniń, sondaı-aq Astananyń etnomádenı ortalyqtarynyń ókilderi qatysty. Shara barysynda muraǵattyń bas dırektory Rysty Sarıeva Japonııanyń Hırosıma men Nagasakı qalalaryna tastalǵan, Semeı polıgonynda synalǵan 450-den astam atom jarylystarynyń, Cherno­byl men Fýkýsıma atom elektr stansalaryndaǵy apattardyń kóp­te­gen adamdardyń ómirin qıyp, densaýlyqtaryna aıtarlyqtaı nuq­san keltirgendigine toqtalyp ótti. Sondaı-aq, ol: «Bizdiń maqsa­tymyz – bolashaq urpaqqa atom ja­rylysynyń mıllıondaǵan adamzat balasyna qaıǵy-qasiret ákele­tin­digi týraly aqparat jetkizý, keleshek urpaqtarymyzdy mundaı qatelikterge boı aldyrmaýǵa ún­deýge shaqyrý»,  dedi. Shara barysynda, ıadrolyq jarylys qurbandaryn eske alýǵa arnalǵan is-sharaǵa qatysýshylar Elbasy Nursultan Nazarbaevtyń kandıdatýrasyn Nobel syı­ly­ǵyna usyný jaǵyn keńinen sóz etti. Atap aıtqanda, ıadrolyq jarylys qurbandaryn eske alýǵa arnalǵan «Japonııa jańǵyryǵy» atty is-sharalar sıkliniń qatysýshylary Elbasy N.Nazarbaevtyń Semeı synaq polıgonyn jabý jónindegi sheshimin qoldaıtyndyqtaryn aıta kele, sonymen birge ıadrolyq qarý­syz­daný bastamasy úshin beıbitshilik salasyndaǵy Nobel syı­ly­ǵyna Elbasy kandıdatýrasy laıyq degen usynys jasady. Sonymen qatar, búgingi sharaǵa qatysýshylar  ıadrolyq áleýetke ıe derjavalar men memleketterdiń bas­shylaryn ıadrolyq qarýdy taratpaý jáne paıdalanbaý másele­le­rindegi halyqaralyq kelisimdi múl­tiksiz saq­taýǵa, jappaı qyryp-joıý qarý­yn synaqtan ótkizýdi toly­ǵy­men toq­tatýǵa jáne qoldanystaǵy ıadrolyq polıgondardy jabýǵa shaqyrdy. Esterińizge sala keteıik, elor­dada­ǵy Ulttyq muraǵatta tamyz aıy­nyń 6-sy kúni ıadrolyq jarylys qur­ban­daryn eske alýǵa arnalǵan is-sharalar sıkli bastalǵan bola­tyn. Shara tamyzdyń 29-na deıin jalǵaspaq. Juldyz BAIDILDA.