Uıym qyzmeti uıysqanda kúsheıedi

Keshe Astanada Ujymdyq qaýipsizdik týraly shart uıymyna múshe memleketter basshylarynyń beıresmı kezdesýi boldy. Oǵan Qazaqstan Respýblıkasynyń Prezıdenti Nursultan Nazarbaev, Qyrǵyz Respýblıkasynyń Prezıdenti Roza Otýnbaeva, Armenııa Respýblıkasynyń Prezıdenti Serj Sargsıan, Tájikstan Respýblıkasynyń Prezıdenti Emomalı Rahmon, Belarýs Respýblıkasynyń Prezıdenti Aleksandr Lýkashenko, Reseı Federasııasynyń Prezıdenti Dmıtrıı Medvedev qatysty.   «RIXOS» qonaqúıinde UQShU-ǵa múshe elder basshylaryn qar­sy alǵan Prezıdent Nursultan Nazarbaev kezdesý beıresmı jú­retindikten, oǵan galstýksiz kelgen. Alaıda, Reseı Fede­ra­sııasynyń Prezıdenti Dmıtrıı Medvedev moınyndaǵy galstýgin sheshpegen eken. Qazaqstan Prezıdenti nazary aýyp, kez­desý­diń beıresmıligin eske salǵanda ezýin jımaǵan Reseı basshysy jalmajan galstýgin sheship qaltasyna salyp jatty. Jaıdary kúlkisimen meıman­dardy qabyldap, otyrys ótetin zalǵa kirgen Nursultan Nazarbaev májilisti bastap ketti. Ýádeli ýaqytta basqosýǵa kel­genderi úshin memleket bas­shy­laryna alǵysyn jetkizgen N.Nazarbaev: «Mundaı beıresmı kezdesýler naqty bir jaǵ­daılar boıynsha bizdiń ózara baı­lanysymyzdaǵy ózekti má­se­lelerdi keńinen talqylaýǵa jaq­sy múmkindik týǵyzady. Osy­ǵan oraı, búgin biz birqatar máseleler boıynsha pikir al­masýǵa jınalyp otyrmyz. Atap aıtqanda, UQShU-ǵa múshe memleketter úshin jahandyq jáne óńirlik táýekelderge qatysty, uıymǵa múshe elderdiń qaýip­sizdigi men turaqty damýyna qatysty máseleler kóterilmek. Munda negizinen álemde jáne óńirlerde oryn alyp otyrǵan sońǵy oqıǵalarǵa baılanysty máselelerdiń mańyzy zor. Son­daı-aq múshe memleketter bas­shy­lary uıym qyzmetiniń tıimdiligin odan saıyn arttyrý má­selelerin talqylaıtyn bola­dy», – deı kelip, beıresmı kezdesý barysynda aldaǵy ýaqytta AQSh qarýly kúshteriniń Aýǵan­stan aýmaǵynan shyǵarylýy, sondaı-aq UQShU jaýapkershiligi aýmaǵyndaǵy tabıǵı jáne tehnogendik problemalar jaı­yn­da áńgime órbip, halyqaralyq lańkestik, esirtki men qarý-ja­raqtyń zańsyz aınalymynyń ór­shý qaterleri týraly jáne aqpa­rat­tyq qaýipsizdiktiń ózekti máse­leleri talqylanatynyn jet­kizdi. – Bul uıymǵa múshe memleketter basshylarynyń besinshi kezdesýi. Al mundaı basqo­sýlardyń negizi bizdiń elimizde 2008 jyldyń 19-21 jeltoqsany kúnderi qalanǵan bolatyn. Ar­qanyń altyn alqasy – sulý Kóksheniń gaýhar táji Býrabaıda bastaýyn alǵan osyndaı kezdesýlerde resmı qujat, sheshimder qabyldanbaǵanymen, ol kóptegen mańyzdy máseleler boıynsha oı toǵystyrýdyń tamasha alańy bolǵan edi. Býrabaıdan keıin beıresmı kezdesýler Sholpan-Atada 31 shilde men 1 tamyz aralyǵynda kelesi jyly ótse, 2010 jyldyń ma­my­rynda Máskeýde, al 2010 jyl­dyń tamyzynda Erevanda ótken. Endi, mine, Uıymǵa múshe memleketterdiń basshyla­ry jan-jaqtan jol tartyp, As­tanadaǵy «RIXOS» qonaqúıinde bas qosty. Máselen, Armenııa Prezıdenti Serj Sargsıan As­tanaǵa Armenııadan emes, Kıpr­den jetipti. Jıyndy ashqan Prezıdent Nursultan Nazarbaev uıymnyń bıylǵy tóraǵasy Belarýs memleketi bolǵandyqtan, onyń jetekshiligin Lýkashenkoǵa usyn­dy. Budan keıingi otyrys jabyq esik jaǵdaıynda ótti. Eki saǵat júrgen jıyn aıaqtalǵan soń taǵatsyzdana kútip otyrǵan jýr­nalıster aldyna Belarýs Prezıdenti, UQShU tóraǵasy Aleksandr Lýkashenko shyqty. UQShU-ǵa múshe memleketter basshylarynyń atynan jıynda kóterilgen máselelerdi ortaǵa salǵan Aleksandr Lýkashenko: «Júzdesý barysynda biz UQShU sheńberinde júzege asyp jatqan jumystardyń barly­ǵyna synı kózqarasymyzdy bil­dirdik. Bul rette, eń aldymen, birqatar kemshilikterdiń, onyń ishinde ishki sıpattaǵy olqy­lyqtardyń oryn alyp otyr­ǵanyna nazar aýdardyq. Osy oraıda men búgingi kúni uıymǵa qatysýshy memleketterde kezdesetin problemalardy ǵana emes, uıymǵa qatysýshy memleket­ter­diń arasyndaǵy máselelerdi de meńzep otyrmyn. Mundaı problemalar barshylyq jáne osy­ny eskere kele, biz biraýyzdan bıyldan bastap-aq mańyzdy qadamdar jasaýǵa ýaǵdalastyq. Ondaı qadamdar Ujymdyq qaýipsizdik týraly shart uıy­mynyń rólin arttyratyn bo­lady», – dedi. Uıym tóraǵasy aǵymdaǵy jyldyń ózinde UQShU shyn má­ninde jandanyp, onyń ujym­dyq kúshterin jıyntyqtaý men qarýlandyrý isiniń de bıyl aıaqtalatynyn aıtty. Qazirgi kúni álemde, onyń ishinde arab elderinde, Afrıkanyń sol­tús­tik aımaǵyndaǵy memleketterde oryn alyp jatqan sońǵy oqı­ǵa­lar­ǵa baılanysty bizde kóp­te­gen áre­kettesetin baǵyttar tý­yn­daýda. Osynyń barlyǵyn a­nyq baıqap otyrmyz. Son­dyq­tan da, biz óz ishimizde birlesken kúshimizdi ju­myldyra otyryp, yqtımal túrli qaterlerge qarsy turý sha­ralaryn júzege asy­ra­tyn bo­lamyz. Mundaı qaterler negizinde, eń aldymen, aqpa­rat­tyq jáne kıberkeńistiktegi qaýip­sizdikke basa nazar aýda­ry­la­dy. Biz, so­nymen birge, uı­ymǵa qatysty qol qoıylǵan nor­matıvtik qu­qyq­tyq qujat­tar­dyń da ra­tı­fı­ka­sııalanýyn áńgimeledik. Uı­y­mnyń resmı otyrysyna deıin olar ratı­fı­kasııalanyp, zańdyq kúshine enetin bolady, dedi Aleksandr Lýkashenko. Al búgingi beıresmı jıyn­nyń basty leıtmotıvi dep uı­ym­n­yń pármendiligin arttyryp, ony kúsheıtý dep aıtýǵa bolady dep oı qorytty UQShU tóraǵasy. Anar TО́LEÝHANQYZY, Sýretterdi túsirgender S.BONDARENKO, B.OTARBAEV.