Salalyq mınıstrlikterdiń basqarýyna berildi

Memleket basshysy «Samuryq-Qazyna» Ult­tyq ál-aýqat qorynyń birqatar enshiles qury­lym­darynyń aksııalar paketin salalyq mınıstrlikterge senimdi basqarýǵa berilýin qamta­ma­syz etý týraly Úkimetke tapsyrma berdi. «Qazaqstan Respýblıkasynyń memlekettik bas­qarý júıesin ári qaraı jetildirý jónindegi sharalar týra­ly» Jarlyqqa Memleket basshysy 10 tamyzda qol qoıdy. Atap aıtqanda, «Damý» kásipkerlikti damytý qory» aksıonerlik qoǵamy aksııalarynyń paketi Ekonomı­ka­lyq damý jáne saýda mınıstrligine; «Qazaqstannyń Damý banki» aksıonerlik qoǵamy aksııalarynyń paketi In­dýstrııa jáne jańa tehnologııalar mınıstrligine; «Qa­zaqstan ınvestısııalyq qory» aksıonerlik qoǵamy aksııalarynyń paketi Indýstrııa jáne jańa tehnologııalar mınıstrligine; «Kazyna Capital Management» aksıonerlik qoǵamy aksııalarynyń paketi Indýstrııa jáne jańa tehnologııalar mınıstrligine; «QazEksportGrant» eksporttyq-kredıttik saqtandyrý kompanııasy» aksıonerlik qoǵamy aksııalarynyń paketi Indýstrııa jáne jańa tehnologııalar mınıstrligine senimgerlik basqa­rý­ǵa berildi. Osy Jarlyqpen Úkimetke sondaı-aq, «Stresti aktıvter qory» aksıonerlik qoǵamynyń aksııalar paketin ıelený jáne paıdalaný quqyqtaryn Ekono­mı­kalyq damý jáne saýda mınıstrligine; «Qazaq­stan­nyń turǵyn úı qurylys jınaq banki», «Ipo­tekalyq kredıtterge kepildik berýdiń qazaqstandyq qory», «Qa­zaqstandyq Ipotekalyq Kompanııa» ıpo­tekalyq uıymy» aksıonerlik qoǵamdary aksııa­la­rynyń paketterin ıelený jáne paıdalaný qu­qyq­taryn Qury­lys jáne turǵyn úı-kommýnaldyq sharýashylyq isteri agenttigine berilýin qamtamasyz etý mindetteldi. Jarlyq qol qoıylǵan kúnnen bastap kúshine endi.