Teplovozdar toqtamaýy úshin

Atyraýda otyn qoımasy qaıta jańǵyrtyldy «QAZAQSTAN-OEK» JShS («QAZAQ­STAN – Otyn-energetıkalyq kesheni») otan­dyq munaı ónimderi naryǵynda 2001 jyldan bastap jumys atqaryp keledi. Kompanııanyń áriptestermen jáne klıenttermen jumys isteýde 10 jyldyq tabysty tájirıbesi bar. Mun­daǵy kásibı ujym jáne tehnıkalyq múm­kindikter qyzmetter keshenin qajetti kólemde jáne shapshań júzege asyrýǵa jol ashyp otyr. «Qazaqstan-OEK» jaýapkershiligi shekteýli seriktestigi bıyl elimizdiń Kólik jáne baılanys qyzmetkerleriniń kásibı merekesi kúnin negizgi áriptesteri «Qazaqstan temir­joly» UK» AQ-men birge arnaıy daıyndaǵan Investısııalyq baǵdarlama aıasynda zamanaýı tehnologııamen jaraqtandyrylǵan Atyraý otyn qoımasyn paıdalanýǵa berilýi salta­na­tymen erekshe atap ótti. Saltanatty ashylý rásiminde kompanııa qyzmetiniń negizgi tuty­nýshysy – «QTJ» UK» AQ-nyń vıse-prezıdenti E.Sultanov, «Lokomotıv» AQ prezıdenti M.Medeýbaev, Atyraý magıstraldy jeli­ler bólimshesiniń dırektory O.Raıysov In­ves­tısııalyq baǵdarlama sheshiminiń mańyzdy­lyǵyn atap ótip, qyzmetkerlerdi kásibı merekesimen quttyqtady. Nysandy paıdalanýǵa berý nátıjesi jobaǵa sáıkes suıyq qoıma parkiniń jalpy saqtaý kólemi ulǵaıtylýy, bóshke ydysqa maıdy ólshep quıý sehynyń salynýy seriktestiktiń qyzmetkerleri men «QTJ» UK» AQ basshylarynyń nazaryna usynyldy. «QTJ» UK» AQ vıse-prezıdenti E.Sul­tanov myrza quttyqtaý sózinde, «QTJ» UK» AQ-nyń búginde úlken jetistikterge qol jetkizip otyrǵanyn, atap aıtqanda elimizdiń kólik áleýeti deńgeıiniń joǵarylaýynyń, te­mir jol jáne onyń quramynyń jańǵyrtýlar boıynsha ótkiziletin is-sharalar boıynsha al­ǵa basýy rastaıdy, soǵan baılanysty «Qa­zaqstan-OEK» JShS-nyń qalpyna keltirý jobasy respýblıkanyń barlyq temir jol ınfraqurylymyn jańartýda qurama bólik bolyp tabylady, – dedi. О́tken jyly kompanııanyń sapa menedjmenti júıesiniń halyqaralyq ISO-9001:2008 standartynyń talaptaryna sáıkestigin UKAS (United Kingdom Accreditation Service) taǵaı­yndaǵan sertıfıkattaý jónindegi «BM TRA­DA Certification» Brıtan Koroldiginiń or­gany sertıfıkattaǵan. Sertıfıkattaý salasy – munaı bazalarynyń qyzmetteri – munaı ónimderin qabyldaý, saqtaý jáne ótkizý. ISO-9001:2008 halyqaralyq standarttar talap­ta­ryna sáıkestilik HSS sertıfıkatynyń berilýi – tutynýshylar men tapsyrysshylardyń talap-tilekterin qanaǵattandyrýǵa kózdelgen qyzmet sapasynyń qamtamasyz etilýin dá­leldeıdi. Bıyl kompanııanyń ınspeksııalyq aýdıtten sátti ótýi nátıjeli jumysty, son­daı-aq kompanııanyń sapa menedjmenti júıe­sin únemi jaqsartyp otyrýyn rastady. Qyzmettiń ashyqtyǵy, ári aıqyndyǵy – kompanııa tabystylyǵynyń kepili. Kompa­nııa­nyń qarjylyq esebi halyqaralyq standart­tarǵa (IFRS) sáıkes keledi. Oǵan halyqaralyq aýdıtorlyq kompanııalar («KPMG Audit», Deloitte&Touche) ótkizetin jyl saıynǵy aýdıt dálel bola alady. Sonymen qatar, aýdıttelgen qarjylyq eseptiń jyl saıyn sáýir-mamyr aılarynda alynýy kompanııa qyzme­ti­niń tabysty nátıjesi bolyp tabylatynyn atap ótý kerek. О́ıtkeni, aýdıttelgen qarjy­lyq eseptiń sondaı, nemese erterek kezde alynýy tek baǵaly qaǵazdary halyqaralyq qor naryqtarynda jáne jeke ulttyq kompanııalarda ornalastyrylǵan buqaralyq kompanııalarda ǵana bolady. Kompanııa qyzmetteri baǵasynyń qurylý aıqyndylyǵy jyl saıyn zańnamaǵa sáıkes bekitilgen tártipte Qazaqstan Respýblıkasy Tabıǵı monopolııalardy retteý jónindegi agenttiginiń taýardyń satylý baǵasynyń negizdelgen deńgeıin qarastyrý jáne maquldaý prosedýrasynan ótý arqyly qamtamasyz etiledi. Sebebi 2008 jyldan bastap, «QAZAQ­STAN-OEK» JShS Qazaqstan Respýblıkasy Básekelestikti qorǵaý jónindegi agenttiginiń sheshimimen basym jaǵdaıǵa ıe naryq sýbek­tileri reestrine engizildi. Budan basqa mono­po­lııaǵa qarsy zańnama talaptaryna sáıkes, kompanııa turaqty negizde, sáıkes memlekettik organdarǵa qajetti esepti, sonyń ishinde toq­san saıyn qarjylyq esepti berip otyrady. Kompanııanyń bas dırektory Meıramgúl Júzbaevanyń aıtýynsha, strategııalyq mindetterdi iske asyrýdy eskergende, qarjylyq kórsetkishterdiń qozǵalysy jalpy kompanııa jumysynyń tabystylyǵyn kýálandyrady. Mysaly, 2011 jyldyń 1 jarty jyldyǵynyń nátıjesi boıynsha kompanııa ótimdiliginiń ósý qarqyny 2008 jylmen salystyrǵanda +58% qurady. Al aktıvter kiristiligi 13,2 paıyzǵa ósti. Bul kompanııanyń turaqty qarjylyq jaǵ­daıyn rastaıdy. Osylaısha kompanııa ope­rasııalyq jáne ınvestısııalyq qyzmetti qarjylandyrý qajettiligin qamtamasyz etetin ótimdiliktiń qajetti qoryna ıe. Aınal­maly kapıtaldy qarjylandyrý boıynsha, ári óndiristik nysandardyń qurylysy men qaıta qurylýyna arnalǵan ashyq nesıelik baǵyt­tar­dyń bolýy kompanııanyń qosymsha qarjy­lyq ıkemdiligin qamtamasyz etedi. Sondaı-aq kompanııanyń tartymdylyǵyn jáne nesıelik qarjyny bergen qarjy qurylymdarynyń senimin dáleldeı túsedi. Kompanııa qyzmetin negizinen «Qazaqstan temir joly» ulttyq kompanııasy» AQ («QTJ») jáne onyń enshiles uıymdary tu­tynady. Qajetti óndiristik jabdyqpen, kiris joldarmen, janar-jaǵarmaı materıal­da­ryn (JJM) jáne qatty otyndy saqtaýǵa arnal­ǵan ydystarmen, suıyq qoımalarmen jabdyq­talǵan qoımalardyń tarmaqtalǵan jelisiniń bolýy, sondaı-aq qoımalardyń temirjol ta­raý­lary boıynda ornalasýy «QAZAQSTAN-OEK» JShS-ǵa tapsyrysshynyń talaptaryna sáıkes onyń lokomotıvterine utqyr, ári sa­paly qyzmet kórsetýge múmkindik beredi. Bul kompanııada maılar men jaǵarmaılardyń jyl­dyq aınalymy 30 000 tonnany, sonyń ishinde dızeldi maılar 450 tonnany, benzın 20 000 tonnany, mazýt pen kómir 300 000 ton­nany qurasa, lokomotıvterdi dızel otyny­men jabdyqtaý kólemi 720 000 astam tonnany quraıdy. «QAZAQSTAN-OEK» JShS-nyń re­sýrstyq bazasynyń quramyna Qazaq­stan­nyń edáýir aýmaǵyn (80%) alyp jatqan 53 otyn qoımasynan turatyn jelisi kiredi. Osy qoımalarǵa dızeldi otyndy, maılardy jáne jaǵarmaılardy saqtaýǵa arnalǵan syıymdy­lyǵy 315 myń tekshe metrden asatyn suıyq qoımalar, sondaı-aq qatty otyndy saqtaýǵa arnalǵan jalpy aýdany 160 myń sharshy metr­den asatyn arnaıy alańqaılar kiredi. «QAZAQSTAN-OEK» kompanııasy toly­ǵy­men jeke menshik kompanııa bolyp taby­la­dy. Kompanııa óz bastamasymen 2010 jyldan bastap Investısııalyq otyn qoımalaryn qaı­ta qurý baǵdarlamasyn iske asyra bastady. Investısııalyq baǵdarlamanyń sharalaryn júzege asyrý arqyly iske asyrylatyn maq­sattar men mindetter respýblıkanyń jalpy ındýstrııalyq damý, sonyń ishinde negizgi óndiristik qorlardy modernızasııalaý, qaıta qurý, salý jáne kúrdeli jóndeý strate­gııa­sy­na sáıkes keledi. Investısııalyq baǵdarlama­ny jasaýdyń birinshi kezeńi otyn qoımal­a­ry­nyń tehnıkalyq jaǵdaıyn tolyq tekserý jáne tabylǵan sáıkessizdikterdi joıý jónin­de­gi jobalyq sheshimderdi anyqtaý boldy. Bul jumysty «Kazgıproneftetrans» ShK» JShS jobalyq ınstıtýty júrgizdi. Otyn qoı­malaryn qaıta qurý qatań túrde mamandanǵan jobalyq uıymdar ázirlegen jobalyq-sme­talyq qujattamaǵa sáıkes júzege asy­rylady. Ol uıymdardyń ishinde memlekettik saraptamadan ótken «Intranskom» JShS, «Munaı­grafıka» JShS, «Aqmaral» JShS bar. In­vestısııalyq baǵdarlamany iske asyrý qory­tyndysy boıynsha kompanııanyń barlyq otyn qoımalary tek qazaqstandyq qana emes, sonymen qatar halyqaralyq standarttar talaptaryna sáıkes kelýi tıis. Byltyr Jambyl stansııasynda otyn qoı­masynyń saqtaý qyzmetterin esepke alý men baqylaý úderisterin keshendi avtomattandyrý júıesi engizilip, qaıta qurý jumysy toly­ǵymen aıaqtaldy. Bul avtomattandyrý júıesi lokomotıvterdiń bagyna JJM-dy qashyq­tyq­tan quıýǵa jáne JJM qozǵalysyn avto­matty túrde esepke alýǵa (sonyń ishinde munaı ónimderin qabyldaýǵa, saqtaýǵa jáne jiberýge) múmkindik beredi. Oǵan qosa, IP-telefonııaǵa tikeleı qosylý arqasynda óndi­ristik nysany jáne bastapqy derekterdi jınap-biriktiretin bólimshe arasynda derekterdi elektrondyq nusqada kodtap almasýǵa múm­kindik týdy. Sóıtip, otyn qoımalarynda engiziletin keshendi avtomattandyrý júıesi avto­matty baqylaý júrgizýge (sonyń ishinde «on-laın rejiminde») jáne óndiristiń tehno­logııalyq úderisterin basqarýǵa, sonymen birge, munaı ónimderin qabyldaýǵa, aýystyryp quıýǵa, saqtaýǵa jáne jiberýge, JJM qozǵa­ly­sy jónindegi derekterdi avtomatty orta­lyq­tandyrylǵan túrde jyldam jınaqtaýǵa, esepke alýǵa jáne óńdeýge múmkindik beredi. Elimizdiń búkil aýmaǵynda ornalasqan 53 otyn qoımasynyń jumys isteýi jaǵdaıynda munyń mańyzy óte zor. Jaqynda Atyraý qalasyndaǵy otyn qoı­masynda qaıta jańǵyrtý aıaqtaldy. О́ndiristi turaqtandyrýǵa jáne naryq qubylma­lyly­ǵynyń táýekelin tómendetýge, «QTJ» UK» AQ-nyń qajettiligin únemi qamtamasyz etýge qajetti kólemdegi ónimder qoryn qurý úshin munaı óńdeý zaýyttarynyń mańynda ornalas­qan otyn qoımalaryndaǵy suıyq qoıma parkin ulǵaıtý «QAZAQSTAN-OEK» JShS-nyń strategııalyq sheshimderiniń biri boldy. Aty­raý otyn qoımasyn qaıta qurý jumystary 2010 jyldyń jeltoqsanynda bastaldy. Qaı­ta qurý barysynda ábden eskirgen, paıdalaný merzimi 30 jyldan asqan barlyq jabdyq, áldeqaıda áleýetti otandyq jáne ımporttyq óndiris balamasyna aýystyrylyp, jańartyl­dy. Jańa tómengi aǵyzý qurylǵysyn (ÝSN-150), joǵarǵy quıý qurylǵysyn (ÝNJV-100AS-02) montajdaý arqyly temirjol aǵy­zý-quıý estakadasy modernızasııalandy. Mu­naı ón­im­derin qabyldaý jáne jiberý úshin manı­fol­dy tehnologııalyq júıesi bar sorǵy stan­sasy jetildirildi. Munaı ónimderin temir jol sısternalarynan suıyq qoımalarǵa (RVS) aǵyzý jáne aýystyryp quıý úshin ónim­diligi saǵatyna 120 tekshe metr bolatyn 6NK-9l1s sor­ǵy ornatyldy. Bul aǵyzý ýa­qy­tyn qysqar­typ, vagondyq sısternanyń bosqa tu­ryp qal­maýyna múmkindik beredi. Sonymen birge syı­ymdylyǵy 200 lıtr bóshke ydysqa maı quıýǵa arnalǵan jıilik óńdegishi bar ónim­diligi saǵa­tyna 2,5 tekshe metrlik NMSh5-25-2,5 úlgidegi sorǵy ornatyldy. Jyl­dyń sýyq kez­derinde qabyldanatyn maı­lardy jylytý úshin arnaıy GJE-55 jabdy­ǵy paıdala­ny­lady. Jobada qurylys qurylymdaryn totyǵý­dan jáne gıdrooqshaýlyqtan qorǵaý qaras­ty­rylyp, tolyqtaı oryndaldy. Munaı ónimde­rin qabyldaýǵa, saqtaýǵa jáne jiberýge ar­nal­ǵan nysandardy salýda mol tájirıbesi bar qazaqstandyq kompanııa – «GlobalStroıSnab» JShS Atyraý stansııasynyń otyn qoı­masyn qaıta qurý jobasy boıynsha bas merdiger bolyp tańdaldy. Kompanııanyń bú­kil shtaty joǵary bilikti mamandardan qu­ral­ǵan. Osy jobany iske asyrý kezinde bas merdiger qurylys úderisterine qazaqstandyq qurylys materıaldaryn meılinshe kóbirek qoldaný qaǵıdasyn basshylyqqa aldy. Kólemi 3000 tekshe metr jáne 75 tekshe metrlik barlyq suıyq qoıma parkin, barlyq drenaj­dyq ydystardy jáne metall qurylymdardy qazaqstandyq kásiporyndar jasaǵan. Sorǵy jabdyǵy, tynys klapandary, ysyrmalar, je­ńil-jelpi tazartýǵa arnalǵan súzgiler Kedendik Odaq elderiniń ónimderi bolyp ta­bylady. Sáıkesinshe, Atyraý stansııasynyń otyn qoı­masyn qaıta qurý jobasyna sa­lynǵan ınves­tısııalardyń 70 paıyzy qazaq­standyq qaty­sý­men qamtamasyz etildi. Sóı­tip, jobaǵa sáı­kes suıyq qoıma parkiniń dızel otynyn jalpy saqtaý kólemi 6 859 tekshe metrden 14 679 tekshe metrge deıin ulǵaıtyldy. – Qazaqstannyń temirjoldarymen júk tasymaldaıtyn, jolaýshylardy bir qaladan ekinshi qalaǵa jetkizetin jolaýshylar qura­ma­laryn jetkizetin teplovozdar únemi toq­ta­maýy úshin bizdiń qyzmetimizdiń mańyzy zor. Sol sebepten biz barlyq stansııalardaǵy otyn qoımalaryn jańǵyrtýdy qolǵa aldyq. Bıylǵy jyl aıaǵyna deıin, – deıdi «Qaza­qstan-OEK» JShS bas dırektory Meıramgúl Júzbaeva, – taǵy da 8 stansııadaǵy otyn qoı­masy jańǵyrtylady. Aldaǵy ýaqytta Aty­raýdaǵy otyn qoımasynyń qyzmetin esepke alý men baqylaý úderisin keshendi avtomat­tandyrý júıesimen qamtamasyz etý oıda bar. Jalpy Atyraý stansııasyndaǵy otyn qoım­a­syn jańǵyrtýǵa shamamen 1 mıllıard teńgege jýyq ınvestısııa salyndy. Keleshekte Qazaq­stan – Túrkimenstan shekarasyndaǵy Bolashaq stansııasynda, sondaı-aq, Qazaqstan – Qytaı shekarasyndaǵy Altynkól stansııasynda ja­ńadan otyn qoımasy salynatyn bolady. Bul jańadan salynatyn qoımalarda 50 jumys orny ashylady. Joldasbek ShО́PEǴUL, Atyraý oblysy. Sýretterde: «QTJ» UK» AQ vıse prezıdenti E.Sultanov, «Lokomotıv» AQ prezıdenti M.Medeýbaev jáne «QAZAQSTAN-OEK» JShS bas dırektory M.Júzbaeva Atyraý otyn qoımasynyń saltanatty ashy­lýy sátinde.