Bıyl el Táýelsizdiginiń 20 jyldyq mereıtoıy atalyp ótpek. Osyndaı aıtýly mereke qarsańynda Týrızm jáne sport mınıstrliginiń sport festıvalin ótkizýi el ómirindegi eleýli oqıǵa dep bilemin. Alda – London Olımpıadasy. Baıraqty básekede Qazaq eli sportshylarynyń sýyrylyp alǵa shyǵyp, el baıraǵyn aspandata beretinine sengimiz keledi.
Meniń ulym Danabek Sýjanov onshaqty jyldan beri bokspen shuǵyldanyp keledi. Til-aýzymyz tasqa, nátıjesi jaman emes. Gýanchjoýda ótken Azııa oıyndarynda júldege ıe bolsa, el birinshiliginde top jardy. Qazir Danabegim bokstan ótetin álem chempıonatyna ázirlenip jatyr. Osy álemdik dodadan tabyspen oralsa, ar jaǵynda London Olımpıadasy da qol bulǵap qalatyn shyǵar.
Men búgin ákelik alǵysymdy «Nadal-treıd» fırmasynyń dırektory Nurlan Baıjigituly Mojanovqa aıtqym keledi. Nurlan baýyrymyz uzaq jyldan beri áýesqoı boks federasııasyna jetekshilik etip, shyǵysta qanat jaıǵan bylǵary qolǵap sheberlerine úlken kómek jasap keledi. О́z qarjysymen talaı boksshyny baıraqty básekelerge jiberdi. Ulym Danabekke de qolǵabys jasap júr. «Aqsuńqar jemin shashyp jeıdi» degendeı, N. Mojanovtaı eliniń bolashaǵy úshin jany ashıtyn azamattar kóbeıe berse, nur ústine nur!
Jumaǵul SÝJANOV, eńbek ardageri.
О́skemen.