Saılaý ádildigine senim mol

Keshe Syrtqy ister mınıstri Erjan Qazyhanov TMD-nyń Atqarýshy komıtetiniń tóraǵasy, atqarýshy hatshy Sergeı Lebedevpen áńgimelesti Kezdesý barysynda Senat de­pýttarynyń saılaýyna baıqaý­shy delegasııany bastap kelgen TMD Atqarýshy komıtetiniń tór­aǵasy, Atqarýshy hatshy Sergeı Lebedev saılaý daıyndyqtary­men tolyqtaı tanysyp shyqty. Bul rette Syrtqy ister mınıstri Erjan Qazyhanov el ishinde óte­tin Parlament Senaty saılaýy­na halyqaralyq baıqaýshylar­dyń qatysýy, olardyń tıimdi jumys isteýi mańyzdy ról at­qaratynyn, sonymen birge, ba­qy­laýshylar úshin barlyq jaǵ­daı jasalǵanyn atap ótti. Ekijaqty kezdesý Qa­zaq­stannyń TMD sheńberindegi qyzmeti jaıy men ózara áre­ket­tesý má­selelerin de talqylady. Odan ózge, bıylǵy jyldyń qyrkúıek aıynda Dýshanbe qa­la­­syn­da ótetin syrtqy saıasat bas­shy­lary keńesi men TMD Sammıt basshylarynyń kezdesýine baı­la­nysty kún tárti­bi­niń birneshe tarmaqtaryn, jos­parlan­ǵan is-sharalar qataryn sóz etti. Erjan Qazyhanov TMD-nyń 2020 jylǵa deıingi strate­gııa­lyq-ekonomıkalyq damý konsep­sııa­larynyń qabyldaný merziminen keıingi, TMD elderiniń birge jasaǵan jumystaryna rızashy­lyǵyn bildirip, elimizdiń TMD-ǵy ıntegrasııalyq damý úderisine berik ustanymyn jetkizdi. Mınıstr bul kelisilgen kózqaras­ta­ǵy áriptestik aldaǵy ýaqytta da yntymaqtastyqtyń ár salasynda jalǵasyn tabatyndyǵyn aıtyp, úlken senim bildirdi. Kezdesýde Yntymaqtastyqtyń 20 jyldyq mereıtoıynyń josparlaryn da áńgime arqaýyna aınaldy. Osyǵan baılanysty, kezdesýde E.Qazyhanov Elbasy Nursul­tan Nazarbaevtyń bastamasy boı­ynsha Táýelsiz Memleketter Dostastyǵynyń nazarynda júr­gen mańyzdy máselelerge de toqtalyp ótti. Naqty nátıjege qol jetkizý úshin jasalǵan «Bir jyl – bir taqyryp» atty for­mýlanyń TMD jumysy úshin tıimdi bolatynyn aıta kele, «Biz­diń elimizdiń bastamasymen bı­yl­ǵy 2011 jyl azyq-túlik qaýip­sizdiginiń jyly», – dedi Syrtqy ister mınıstri. Kezdesý sońynda Sergeı Lebedev jýrnalısterge bergen suh­batynda: «Biz Senat saılaýynyń daıyndyq jumystarymen tanys­tyq. Daıyndyq jumystary kó­ńil­den shyqty. Joǵary deńgeı­degi bul daıyndyq sharalaryn damý jolyna túsken Qazaqstan memleketi úshin laıyqty dep esepteımiz. Saılaý barysyn TMD-nyń 8 memleketinen kelgen 68 baıqaýshy baqylaıtyn bola­dy. Saılaýdyń shynaıy ári du­rys ótetindigine senimimiz mol», – deı kele, Syrtqy ister mınıstrligine TMD-men belsendi qa­rym-qatynasy úshin alǵys bildirdi. Juldyz BAIDILDA.