Oqýshylar tárbıesine mán berýdi atap ótti

Jańa oqý jylynyń basta­lýy­na da sanaýly kúnder qaldy. So­ǵan oraı daıyndyq máselesi qan­daı de­gen nıetpen Bilim jáne ǵy­lym mınıstri Baqytjan Juma­ǵu­lov Ota­nymyzdyń barlyq óńir­lerin­degi jaǵdaıdy jiti nazarda ustap, keıbir bilim uıalarynda bolyp, us­tazdar qaýymymen, ata-analarmen pikir almasýda. Sonyń bir dáleli, mınıstr ótken sársenbi kúni Astana qalasyndaǵy «Nur Orda» qazaq-túrik lıseıi men «Nur Orda» ha­lyq­aralyq mektebinde boldy. Ol bi­lim uıala­ryn­da­ǵy jańa oqý jy­ly­­­na daıyndyq­tyń barysyn óz kó­­zimen kórgen soń qazaq-túrik lı­seı­­leriniń bas­shylarymen kezdesti. Kezdesý ústinde birinshiden, qa­­zaq-túrik lıseıleriniń oqý jos­par­lary men baǵdarlamalary Qa­zaq eliniń memlekettik bilim berý stan­darttarynyń talabyna sáı­kes­tigi aıtyldy. Onyń mazmuny men qu­rylymyna taldaý júrgi­zi­lip oty­ra­tyny da nazardan tys qalmady. Ekinshiden, oqý oryn­da­rynyń kadr­lyq áleýeti sóz boldy. Bul ja­ǵy­nan kelgende muǵalim­derdiń 90 pa­ıyzy – Qazaqstan aza­mattary, 10 paıyzy túr­kııa­lyq muǵalimder eken. Osy jerde mınıstr qazaq-túrik lıseılerindegi muǵalim­der­diń kásibı biliktiligin arttyrý isin bir júıege keltirýge, sonyń ishinde talapker­ler­diń «Bolashaq» baǵdar­lamasy boı­ynsha shetelde tájirı­beden ótý jaıyna erekshe toqtal­dy. Úshin­shi­den, mektep oqýshyla­rynyń tár­­bıesine erekshe mán berý kerektigin tilge tıek etip, olardy ekstre­mıstik, dástúrli emes din­der­diń aǵymynan alshaq ustaý, otan­shyl­dyq rýhqa baýlý máse­le­si­ne kelgende qyraǵy bolýdy eskertti. Kezdesýge «KATEV» halyq­ara­lyq qoǵamdyq qorynyń prezıdenti Mesýt Ata arnaıy sha­qy­ryldy. Áń­gime barysynda B.Ju­maǵulov jo­ǵaryda aıtylǵan ózek­ti máse­le­lerge kóńil aýdardy. Son­daı-aq, qa­zaq-túrik lıseıle­riniń qyzmeti Bilim jáne ǵylym mınıstrliginiń udaıy qadaǵalaý­yn­da bolatynyn atap ótti. Súleımen MÁMET.