2011 jylǵy 7 maýsym, Astana qalasy
«Áýejaılar men aeronavıgasııanyń rettelip kórsetiletin qyzmetteriniń tarıfterine (baǵalaryna, alym stavkalaryna) ýaqytsha tómendetý koeffısıentterin bekitý erejesi týraly» Qazaqstan Respýblıkasy Tabıǵı monopolııalardy retteý jáne básekelestikti qorǵaý jónindegi agenttigi tóraǵasynyń 2003 jylǵy 5 qarashadaǵy № 263-NQ buıryǵyna ózgerister engizý týraly
«Tabıǵı monopolııalar jáne retteletin naryqtar týraly» Qazaqstan Respýblıkasy Zańynyń 14-1-baby 1-tarmaǵynyń 5) tarmaqshasyna sáıkes buıyramyn:
1. «Áýejaılar men aeronavıgasııanyń rettelip kórsetiletin qyzmetteriniń tarıfterine (baǵalaryna, alym stavkalaryna) ýaqytsha tómendetý koeffısıentterin bekitý erejesi týraly» Qazaqstan Respýblıkasy Tabıǵı monopolııalardy retteý jáne básekelestikti qorǵaý jónindegi agenttigi tóraǵasynyń 2003 jylǵy 5 qarashadaǵy № 263-NQ buıryǵyna (normatıvtik quqyqtyq aktilerin memlekettik tirkeý tiziliminde № 2599 nómirmen tirkelgen) mynadaı ózgerister engizilsin:
kórsetilgen buıryqpen bekitilgen «Áýejaılar men aeronavıgasııanyń rettelip kórsetiletin qyzmetteriniń tarıfterine (baǵalaryna, alym stavkalaryna) ýaqytsha tómendetý koeffısıentterin bekitý erejesinde:
3-tarmaq mynadaı redaksııada jazylsyn:
«3. Osy Erejede mynadaı uǵymdar qoldanylady:
áýe kemelerin paıdalanýshy – áýe kemelerin paıdalanýmen aınalysatyn nemese ózderiniń osy saladaǵy qyzmetterin usynatyn, áýejaılar men aeronavıgasııanyń rettelip kórsetiletin qyzmetterin paıdalanýshy zańdy nemese jeke tulǵa;
áýe kemesine tıeý koeffısıenti – áýe kemesindegi otyrǵyzý oryndarynyń sanyna tasymaldanatyn jolaýshylardyń sanynyń qatynasy;
quzyretti organ – óz quzyretiniń sheginde Qazaqstan Respýblıkasynyń azamattyq avıasııa qyzmetin jáne áýe keńistigin paıdalanýdy úılestirý men retteýdi júzege asyratyn memlekettik organ;
merzimi ótken kredıtorlyq bereshek – tólem merzimderi týraly shartqa sáıkes áýe kemelerin paıdalanýshynyń áýejaı nemese aeronavıgasııalyq uıymy aldyndaǵy qarjylyq mindettemeleriniń, aqshalaı qaryzdarynyń belgilengen merzimde atqarylmaǵan somasy;
óteý kestesi – áýe kemelerin paıdalanýshynyń, áýejaıdyń nemese aeronavıgasııalyq uıymnyń birinshi basshysynyń qolymen rastalǵan, áýejaıdyń nemese aeronavıgasııalyq uıymnyń aldynda áýe kemelerin paıdalanýshynyń merzimi ótken kredıtorlyq bereshegin óteý kestesi;
ótinish berýshi – ýaqytsha tómendetý koeffısıentin bekitýge ótinimdi usynǵan áýe kemesin paıdalanýshy, áýejaı nemese aeronavıgasııa uıymy;
tabıǵı monopolııa sýbektisiniń rettelip kórsetiletin qyzmetteri (taýarlary, jumystary) – tabıǵı monopolııa salasyndaǵy tabıǵı monopolııa sýbektisi usynatyn jáne kórsetiletin qyzmetterdi (taýarlardy, jumystardy) tutynýshyǵa belgili bir taýar berý túrinde usyný jaǵdaılaryn qosa alǵanda, ýákiletti organnyń memlekettik retteýine jatatyn kórsetiletin qyzmetter (taýarlar, jumystar);
ýaqytsha tómendetý koeffısıenti – tutynýshylar men tabıǵı monopolııa sýbektisiniń múddelerin qorǵaý maqsatynda ýákiletti organ belgilegen jáne tarıfke (baǵaǵa, alym stavkasyna) qoldanylatyn shama;
ýákiletti organ – tabıǵı monopolııalar salalaryndaǵy jáne retteletin naryqtardaǵy basshylyqty júzege asyratyn memlekettik organ;
shartty-aýyspaly shyǵyndar – rettelip kórsetiletin qyzmetter kólemine táýeldi retteletin qyzmetter usynýǵa baılanysty sýbektiniń shyǵyndary.
Osy Erejede paıdalanylatyn ózge de uǵymdar men termınder Qazaqstan Respýblıkasynyń tabıǵı monopolııalar jáne retteletin naryqtar týraly qoldanystaǵy zańnamasyna sáıkes qoldanylady.»;
5-tarmaqtyń 3) tarmaqshasy mynadaı mazmunda jazylsyn:
«3) osy tarmaqtyń 2) tarmaqshasynda kózdelgen ólshemge jatqyzylǵan, sýbsıdııalanatyn avıakompanııany qospaǵanda, áýe kemesin tıeý koeffısıenti 0,5-ten kem quraıdy.»;
8-tarmaq mynadaı mazmunda jazylsyn:
«8. Osy Erejeniń 5-tarmaǵynyń 3) tarmaqshasyna sáıkes ýaqytsha tómendetý koeffısıentteri usynylatyn jaǵdaıdy qospaǵanda, áýe kemelerin paıdalanýshy úshin ýaqytsha tómendetý koeffısıentterin bekitý áýejaıdyń jáne (nemese) aeronavıgasııalyq uıymnyń aldynda qyzmetterge aqy tóleý boıynsha merzimi ótken kredıtorlyq bereshegi bolmaǵan jaǵdaıda nemese kredıtorlyq bereshegin óteý kestesine sáıkes ótegen jaǵdaıda júrgiziledi.».
2. Qazaqstan Respýblıkasy Tabıǵı monopolııalardy retteý agenttigi Temir jol kóligi, azamattyq avıasııa jáne porttar salasyndaǵy retteý departamenti (G.Q. Ybyraeva) osy buıryqty Qazaqstan Respýblıkasy Ádilet mınıstrliginde zańnamada belgilengen tártippen memlekettik tirkeýdi qamtamasyz etsin.
3. Qazaqstan Respýblıkasy Tabıǵı monopolııalardy retteý agenttiginiń Ákimshilik jumysy departamenti (R.E.Súleımenova) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin:
1) ony belgilengen tártippen buqaralyq aqparat quraldarynda resmı jarııalaýdy qamtamasyz etsin jáne Zań departamentine (M.Sh.Mýkýsheva) jarııalanǵany týraly habarlasyn;
2) ony Qazaqstan Respýblıkasy Tabıǵı monopolııalardy retteý agenttiginiń qurylymdyq bólimsheleri men aýmaqtyq organdarynyń, Qazaqstan Respýblıkasy Kólik jáne kommýnıkasııa mınıstrliginiń, «Astana halyqaralyq áýejaıy» aksıonerlik qoǵamynyń, «Almaty halyqaralyq áýejaıy» aksıonerlik qoǵamynyń, «Atyraý halyqaralyq áýejaıy» aksıonerlik qoǵamynyń, «Aqtaý halyqaralyq áýejaıy» aksıonerlik qoǵamynyń, «Sary - Arqa halyqaralyq áýejaıy» aksıonerlik qoǵamynyń jáne «Qazaeronavıgasııa» respýblıkalyq memlekettik kásipornynyń nazaryna jetkizsin.
4. Osy buıryqtyń oryndalýyn baqylaý Qazaqstan Respýblıkasy Tabıǵı monopolııalardy retteý agenttigi tóraǵasynyń orynbasary Q.M. Smaǵulovqa júktelsin.
5. Osy buıryq alǵash ret resmı jarııalanǵan kúninen bastap kúntizbelik on kún ótken soń qoldanysqa engiziledi.
Tóraǵa N.ALDABERGENOV.
Buıryq Qazaqstan Respýblıkasynyń Ádilet mınıstrliginde 2011 jylǵy 2 shildede Normatıvtik quqyqtyq kesimderdi memlekettik tirkeýdiń tizilimine №7053 bolyp engizildi.