Tki jyl buryn qabyldanǵan qylmystyq-atqarý kodeksi sottalǵandardyń quqyǵyn qorǵaýǵa negizdelgen. Túrmeden bosap shyqqandardy qoǵamǵa beıimdeıdi. Osy zań jergilikti jerlerde qalaı oryndalyp jatyr, nátıjesi qandaı? Alqaly jıynda osy máseleler talqylandy. Jıyndy ótkizýge Qaraǵandynyń tańdalyp alynýy da kezdeısoq emes. Munda 10 túzetý mekemesi bar, onda 5 myń adam jazasyn ótep jatyr. Senat depýtattary osy mekemelerge baryp jaǵdaıdy kózben kórdi.
"Túzeý kolonııalarynyń jumyskerlerimen, sottalǵandarmen de búgin kezdesemiz. Qandaı jumystar istelip jatqanyn, bosaǵan adamdardy qalaısha jumysqa ornalastyryp jatyr eken, olardyń bolashaq taǵdyry qandaı eken, sonyń bárin kórý úshin, eger qajet bolsa, tıisti zańdarǵa ózgeris engizý úshin ádeıilep kelip turmyz", - deıdi QR Parlamenti Senatynyń depýtaty Serik Aqylbaı.