Laýazymdy tulǵalar jaýapkershilikke tartyldy

Memlekettik qyzmet sala­syn­­daǵy zańnamanyń, qyzmettik ádep­tiń saqtalýyn jáne mem­le­ket­tik qyz­metter kórsetý sapasyn baqylaýdy jú­zege asyrý agent­tikke júktelgen min­detterdiń biri bolyp tabylady. Jyl basynan beri 52 tekserý júrgizilip, memlekettik qyzmet já­ne kórsetiletin memlekettik qyz­metter salasyndaǵy zańnamanyń 2 467 ret buzylǵandyǵy anyqtaldy. Bul buzýshylyqtar boıynsha olardy joıý jáne kináli tulǵalardy jaý­ap­ker­­shilikke tartý jóninde sharalar qa­byldanýda. Jospardan tys tekserý ná­tı­je­leri boıynsha 103 azamattyń qu­qyqtary qalpyna keltirilip, 191 mem­lekettik qyzmetshige tártiptik sha­ra qarastyryldy. Sonymen qa­tar, ústimizdegi jyldyń 4 aıynda 55 laýazymdy tulǵa ákimshilik jaý­ap­kershilikke tartyldy. Bul rette, ótken jyldyń osy kezeńimen sa­lys­tyr­ǵanda ákimshilik isterdiń sany 7 ese ósken.  Memlekettik qyzmetke kon­ký­rs­- ­tyq irikteý rásimin, qarjylyq ba­qylaý sharalaryn, kór­setiletin memlekettik qyzmetterdiń merzimin buz­ǵan, sondaı-aq, memlekettik qyz­metten quqyqqa sáıkes bosatpaǵan bir­­qatar tulǵalar ákimshilik jaý­ap­kershilikten aınalyp óte alǵan joq.  Ústimizdegi jyldyń 1 ma­my­ryn­daǵy jaǵdaı boıynsha agent­tik­tiń ákimshilik óndiristeri boıynsha bıýdjetke 2 mln 445 myń teńge tústi. Osylaısha, Memlekettik qyzmet isteri jáne sybaılas jemqorlyqqa qar­sy is-qımyl agenttiginde qa­byl­dan­ǵan sharalar memlekettik qyz­met­te joǵaryda kórsetilgendeı ba­­ǵyt­taǵy buzýshylyqtar sanyn qys­qar­týǵa yqpal etýde.

«Egemen-aqparat»