Ulybrıtanııa premer-mınıstri Tereza Meı elde terrorlyq qaýiptiń eń joǵary deńgeıi belgilengenin málimdedi, dep habarlaıdy BBC-diń reseılik qyzmeti.
Terrorlyq qaýiptiń deńgeıin Terrorızmdi taldaý birikken ortalyǵy belgileıdi. Onyń quramyna polısııa, barlaý qyzmeti men ózge de kúshtik qurylymdardyń sarapshylary kiredi.
«Ortalyqtyń baǵalaýynsha, jańa teraktilerdiń bolý yqtımaldyǵy joǵary ǵana emes, kelesi shabýyl qalaıda jasalaýy múmkin», – dedi premer-mınıstr.
Onyń aıtýynsha, elde Manchesterdegi lańkestikke qatysy bar bir top adam bolýy múmkin. Premer sondaı-aq kóshelerdi kúzetýge eldiń armııasy da tartylatynyna ýáde berdi. Ulybrıtanııadaǵy negizgi ınfraqurylymdyq nysandar men týrıstik aımaqtar qosymsha kúzetiledi.
Tereza Meı adamdardyń qatty úreılenýin qalamaıtynyn, alaıda, terrorlyq qaýiptiń eń joǵary deńgeıin belgileý durys sheshim ekenin jetkizdi.