Frıstaılshylar ázirligi de jaqsy

2017 jyly Almaty qalasynda ótetin XXVIII Dúnıejúzilik qysqy Ýnıversıadada Qazaqstannyń frıstaıldan stý­dent­tik quramasy da basty úmitkerler qatarynda sanalady. Qazir elimizdiń frıstaılshylary osyǵan oraı daıyndyq jumystaryn joǵary deńgeıde ótkizip jatyr. – Qazirgi tańda frıstaıldyń mogýl túrinen Iýlııa Galysheva men Pavel Kolmakov Shveısarııada jattyǵyp júr. Al Dmıtrıı Reı­herd pen Dmıtrıı Barmashov shet­elde ótken jattyǵýlaryn aıaq­tap, jaqynda ǵana elge oraldy. Barlyq sportshylarymyz keler jyly ótetin úsh mańyzdy saıysqa daıyndalýda. Atap aıt­qanda, bul – Ýnıversıada, Azııa oıyndary jáne Álem chempıonaty. Bizdiń maqsatymyz – óz elimiz­de ótetin dodada úzdik nátıje kór­setý, – dedi frıstaıldan Qazaq­stan qura­masynyń memlekettik jattyq­tyrý­shysy Qazbek Imanǵalı. Onyń aıtýynsha, frıstaıldyń mogýl, akrobatıka, skı-kross túrinen Ýnıversıada oıyndarynda bizdiń sportshylar birneshe medalǵa qol jetkize alady. – 2015 jyly ótken qysqy Ýnıversıadada frıstaıldyń mogýl túrinen eki altyn medal alǵanbyz. Sol jetistikti keler jyly da qaıtalaýǵa kúsh salamyz. Galysheva men Kolmakovtyń altyn tuǵyrdan kórinýge múmkindikteri mol. Al frıstaıldyń akrobatıka túrinen Janbota Aldabergenovaǵa senim artyp otyrmyz. Sondaı-aq, skı-kross sheberleri de Qazaqstan qorjynyna medal salýǵa múmkindigi bar, – dep atap ótti Q.Imanǵalı. Aıta ketý kerek, qazaqstandyq frıstaılshylar 2017 jylǵy XXVIII Dúnıejúzilik qysqy Ýnıversıadaǵa deıin Fınlıandııa, Kanada, AQSh-da ótetin Álem kýbogynyń kezeńderine qa­tysady.