Keshe "Barys"hokkeı klýby "Avangard" komandasyn 3:1 esebimen utyp, Shyǵys konferesnııasynda 6-orynǵa kóterildi. Omsk komandasynyń kapıtany, tanymal reseılik hokkeıshi Evgenıı Medvedev Today.kz basylymyna suhbat berip, "Baryspen" ótken oıyn týraly aıtyp berdi.
Suhbat barysynda hokkeıshi eń aldymen "Avangardtyń" ne sebepti jeńiske jete almaǵany týraly aıtty: "Men eń aldymen bizdiń qaqpashymyzdyń oıynyn erekshe atap ótkim keledi. Ol búgin keremet oınady. Eger ol bolmasa, biz "Barystan" birinshi kezeńde-aq jeńiler edik. Biz qolymyzdan kelgenshe tyrystyq. Biraq tyǵyz jumys kestesinen match barysynda fızıkalyq daıyndyǵymyz jetispegen bolar. Sebebi jeltoqsan biz úshin aýyr boldy", dedi.
Jýrnalıstiń bul oıyndaǵy sheshýshi sátti ataýdy ótingen suraǵyna hokkeıshi úshinshi kezeńge deıin komanda jaqsy kele jatqanymen, sol sátte shaıba jiberip alǵanyn kemshilik retinde esepteıtinin aıtty.
Evgenıı Medvedev atalǵan suhbatta "Barys" komandasy týraly oıyn da jetkizdi: "О́te jaqsy, ári jyldam komanda ekeni oıyndarynan, is-qıyldarynan-aq baıqalady. "Barysty" burynǵy jattyqtyrýshymen oıynyn kórgen emespin. Biraq qazir komanda óte jaqsy áser qaldyrdy", dedi.
Sonymen qatar ol Jańa jylda kásibı hokkeıshilerdiń qandaı tilek tileıtinderin de aıtty. Onyń aıtýynsha, keıbireýi kásibı turǵyda, biri jeke ómirine qatysty tilek tileýi múmkin. "Árkimniń maqsaty ártúrli. Bireýi chempıondar kýbogyn, bireýler avtokólik nemese páter armandaýy múmkin. Tipti, barlyǵyn birden tileıtinder de bar shyǵar", dedi ol.